Lajme

Nxënësi nga Rahoveci rrahet nga mësuesi, e denoncon në polici

Autori: Gazeta inFokus 20:07 | 20 May 2022

Një nxënës i shkollës së mesme profesionale në Rahovec, të enjten e ka denoncuar në polici mësuesin e tij, për dhunë fizike.

Ngjarja raportohet se ka ndodhur tre ditë më herët. Rasti ndaj të dyshuarit me iniciale A.G., mësues i shkollës së mesme profesionale në Rahovec, po cilësohet si “Keqtrajtim gjatë ushtrimit të detyrës zyrtare”.

Rastin për Gazetën Express e ka konfirmuar zëdhënësi i Policisë për rajonin e Gjakovës, Nysret Xhurkaj.

-Advertisement-

“Pranë S.P. Rahovec është paraqitur ankuesi i mitur (nxënës i shkollës profesionale), dhe ka raportuar se me datë 16.05.2022 rreth orës 07:35 ne objektin e shkollës, është sulmuar fizikisht nga i dyshuari (profesor i shkollës profesionale) lidhur me një incident te ndodhur dite me pare”, tha Xhurkaj.

Viktimës i është ofruar ndihma mjekësore në QKMF në Rahovec dhe, sipas mjekut, viktima nuk ka pësuar lëndime të dukshme trupore.

Njësiti i Hetimeve ka kryer hulumtimet dhe ka mbledhur prova materiale, derisa në lidhje me rastin është njoftuar edhe Prokurori i Shtetit dhe, me urdhrin e tij, rasti procedohet në procedurë të rregullt.

Subscribe në YouTube: GAZETA INFOKUSI
Comodita në Gjermani shpalos koleksionin e produkteve të reja në panairin Heimtextil në Frankfurt

Të tjera

Fokusi

lajme