Lajme

Nuredin Lushtaku dërgohet në mbajtje për 48 orë

Autori: Gazeta inFokus 20:12 | 04 July 2022

Ish-nënkryetari i komunës së Skenderajt Nuredin Lushtaku, është dërguar në mbajtje për 48 orë.

Kështu tha Valon Preteni, zëdhënës i prokurorisë Themelore në Mitrovicë.

“Po, është dërguar në mbajtje” – tha Preteni.

-Advertisement-

Ai shtoi se Prokuroria Themelore e Mitrovicës ka parashtruar një kërkesë për caktimin e masës së paraburgimin ndaj ish-kryetarit të komunës së Skënderajt Nuredin Lushtaku, dhe dy personave të tjerë me inicialet F. L dhe A.L.

Preteni tha se seanca për caktimin e masës së paraburgimit ndaj Lushtakut dhe dy të tjerëve është duke u mbajtur në Gjykatën Themelore dhe pritet të vendoset se çka do të ndodh tutje.

Ish-nënkryetari i Skenderajt kishte qenë në arrati derisa sot është dorëzuar në polici.

Ai dyshohet se më 2 korrik rreth mesnatës së bashku me familjarët i kishte sulmuar policët të cilët e kishin gjobitur djalin e tij.

Dy nga ta kanë pësuar lëndime.

Njëra nga ta ishte plagosur me armë zjarri në këmbë derisa tjetri kishte marrë plagë në kokë nga mjeti i fortë.

Subscribe në YouTube: GAZETA INFOKUSI
E treta e verteta, shpallet fituesi I trete I Lojes Shperblyese se Artmotion?

Të tjera

Fokusi

lajme