Numri i autobusëve që u nisën në mëngjes për Serbi

Autori: Gazeta inFokus
10:13 | 03 April 2022
Qytetarët serbë nga Kosova po shkojnë në Serbi për të votuar për zgjedhjet presidenciale dhe parlamentare serbe, të cilat po mbahen më 3 prill. Kjo pasi, Qeveria e Kosovës për herë të parë nuk lejoi mbajtjen e zgjedhjeve serbe brenda territorit të Kosovës.
Më shumë se 25 autobusë u panë në stacionin e autobusëve në Mitrovicë të Veriut, për të transportuar serbët për të votuar në Rashkë.
Rashka është një nga katër komunat në Serbi, pranë kufirit me Kosovën, ku rreth 100,000 qytetarë serbë që jetojnë në Kosovë, do të mund të ushtrojnë të drejtën e tyre të votës.
Autobusët që po transportojnë serbët nga Mitrovica e Veriut për në Serbi.
Transport iu është mundësuar edhe serbëve në Graçanicë. Në orët e para të mëngjesit të së dielës, serbët, kryesisht punonjës të institucioneve serbe në Kosovë, u dërguan me autobus në vendvotimet e tyre, në qytetin kufitar të Serbisë, Kurshumli.
Komisioni Republikan i Zgjedhjeve të Serbisë ka thënë se rreth 100,000 serbë nga Kosova do të mund të votojnë në vendvotimet e tjera që gjenden në komunat në kufi me Kosovës siç janë Tutini, Rashka dhe Vranja.
Serbët në Graçanicë duke shkuar me autobus në Serbi për të votuar për zgjedhjet parlamentare dhe presidenciale.
Kryeministri i Kosovës, Albin Kurti, ka kërkuar që Qeveria serbe t’i drejtohet me kërkesë Qeverisë së Kosovës për mbajtjen e zgjedhjeve. Por, kjo kërkesë nuk është pranuar nga autoritetet në Beograd.
Presidenti i Serbisë, Aleksandar Vuçiq, ka deklaruar se me këtë kërkesë, Kurti ka dashur që Serbia ta njohë Kosovën.
Shtetet e Quint-it kanë shprehur “zhgënjimin e madh” për vendimin e Qeverisë së Kosovës që mos lejojë mbajtjen e zgjedhjeve serbe.
Quint kishte propozuar që zyrtarët e zyrave ndërlidhëse të Kosovës dhe Serbisë të komunikonin për mbajtjen e zgjedhjeve serbe, por Prishtina kishte kërkuar që ky komunikim të zhvillohej në nivel të shteteve.
Vendet e Quint-it janë: Shtetet e Bashkuara, Britania e Madhe, Italia, Gjermania dhe Franca.
Pas vendimit të Qeverisë së Kosovës, në Graçanicë dhe Mitrovicë të Veriut – komuna të banuara me shumicë serbe – pati protesta të serbëve.
Në janar të këtij viti, Kosova po ashtu kishte refuzuar që të lejojë votimin për një referendum për ndryshime kushtetuese të Serbisë. Madje, Kuvendi i Kosovës kishte miratuar një rezolutë kundër mbajtjes së këtij referendumi në territorin e Kosovës. Edhe për këtë vendim të Kosovës, Quint-i dhe Bashkimi Evropian kishin shprehur keqardhje.
Komuniteti ndërkombëtar i ka bërë vazhdimisht thirrje Qeverisë së Kosovës që të gjejë mënyra për mbajtjen e zgjedhjeve serbe.
Zgjedhjet e fundit parlamentare, që Serbia i ka organizuar edhe për komunitetin serb në Kosovë, kanë qenë ato të 21 qershorit 2020.
Ato zgjedhje janë mbajtur sipas një praktike të mëhershme, ku misioni në Kosovë i Organizatës për Siguri dhe Bashkëpunim në Evropë i ka grumbulluar votat. Ato vota më pas janë numëruar në Rashkë dhe Vranjë, dy qytete kufitare të Serbisë.
Kjo praktikë është krijuar qysh në vitin 2017 dhe autoritetet e Kosovës e kanë lejuar këtë gjë. /REL

Të tjera
-
Parashikimi i motit për të shtunën
Të shtunën parashikohet të mbajë mot me diell dhe vranësira të pakta gjatë di...
-
Aksidenti në Stuttgart, Konsullata e Kosovës publikon numrin emergjent
Disa persona u lënduan, tre prej tyre rëndë, pasi një makinë u përplas me një...
-
Kontrabandimi i barnave përmes aeroportit, pesë të arrestuar – në mesin e tyre edhe dy zyrtarë doganorë
Pesë persona janë arrestuar nën dyshimin për kontrabandim të barnave përmes A...
-
Skuteri bie në pusetën e hapur në Breg të Diellit, raportohet për një të lënduar
Një person raportohet se ka mbetur i lënduar, pasi ra me skuter në një puset ...
-
Mbyllet përkohësisht rruga “Agim Ramadani” në Prishtinë
Komuna e Prishtinës ka njoftuar qytetarët se, për shkak të asfaltimit, do...
-
Igballe Huduti shpërthèn në lot, tregon historinë më trishtë që i ka ndodhur “Shyqyr sosht nana gjallë me pa”
Aktivistja dhe islamologia Igballe Huduti është ka shpërthyer në lotë gjatë n...
-
Çmimi i qershiave në kulm, çmenden shitësit: Një kg 26 euro
Çmimi i qershiave në Kosovë shihet të kenë shkuar në ‘kulm’, shkruan Gazeta I...
-
Kelmendi: Çështja qenka se a jemi më mirë, apo më keq se në Serbi! Wtf! A, vërtet, po e themi këtë publikisht?!
Gazetari dhe analisti Adriatik Kelmendi ka reaguar ashpër ndaj deklarimeve të...
-
Vendosën flamurin e IS*IS-it mbi shtëpi, u caktohet paraburgimi dy të dyshuarve nga Prishtina
Gjykata Themelore në Prishtinë, përmes Departamentit Special, ka caktuar ...
-
Strategjia efektive e pushtetit të Kurtit për ta degraduar lirinë e media
Qeverisja pesëvjeçare e Albin Kurtit ka lënë një gjurmë të thellë në degradim...
-
Qeveria e Kosovës për lirinë e shtypit: Ka rënie të standardit të mediave
Qeveria në detyrë e ka hedhur poshtë raportin vjetor për lirinë e shtypit në ...
-
“Më mungon çdo sekondë”, rrëfehet për herë të parë bashkëshortja e policit të vra*rë në Kaçanik
Vrasja e zyrtarit të Policisë së Kosovës, Muhamet Lika, më 1 prill, në hyrje ...