Kampioni Evropian, Real Madridi po merret me ndërtimin e skuadrës për të ardhmen, gjë që mund të jetë një lajm i mirë për të tashmen për rivalët e tyre evropianë.

Florentino Perez ka lënë të kuptohet se nënshkrimet e famshme me ‘Galaktikë’ kanë marrë fund dhe fokusi i tij është tani në sjelljen e të rinjëve më të mirë në botë në Santiago Bernabeu.

Reali ka qenë i lidhur ngushtë me një transferim me Neymar dhe Hazard pas Kupës së Botës teksa ata shikojnë ndonjë lojtarë për t’a zëvendësuar Cristiano Ronaldon, ndërsa Thibaut Courtois është shfaqur si një objektiv në pozicionin e portierit.

Megjithatë, tre lojtarët që kanë arritur këtë merkato verore në Santiago Bernabeu janë të panjohur por që kanë potencial e madh, diçka të tillë që presidenti i klubit, Perez është i gatshëm t’a vazhdojë.

Vinicius, Rodrygo dhe Lunin

Adoleshentët, Vinicius Junior (18), Rodrygo Goes (17) dhe Andriy Lunin (19) janë ‘rrëmbyer’ të tre nga kampionët evropianë, dhe Perez ka theksuar se treshja do të jetë thelbësore për Madridin për të shkuar përpara në të ardhmen.

“Pak nga pak ne po hedhim themelet e së tashmes dhe të ardhmes së skuadrës sonë. Ne duam të transferojmë talent të rinjë që do të formësojnë të ardhmen, lojtarë që dëshirojnë të japin maksimumin. Pas titujve të mëdhenjë të fundit të fituar, do të vazhdojmë të jemi besnik ndaj mënyrës sonë të kuptimit të këtij sporti, që na ka dhënë aq shumë sukses. Klubi ynë ka ndërtuar mitin e saj që kurrë të mos dorëzohemi dhe gjithmonë të aspirojmë për gjithçka që është e mundshme. Këtu titujt janë fituar me përulësi, punë dhe angazhim, dhe ne përballemi me sfidat tona sëbashku dhe si skuadër.” – tha Perez gjatë prezentimit të Lunin sot.

Portieri i kombëtares Ukrainase, Lunin, u bashkua nga Zorya për një shumë të raportuar prej 14 milion eurove, por mbetet për t’u parë nëse ai do të mbetet në skuadrën e parë apo do të dërgohet në huazim për sezonin që po vie.

“Jam i kënaqur që jam këtu. Është klubi më i mirë në botë dhe një nder i vërtetë për të qenë pjesë e tij. Zgjodha Real Madridin sepse fitorja është elementi më i rëndësishëm i sportit dhe si çdo lojtar tjetër, dua të fitoj dhe të vazhdoj të fitoj. Tani jam duke u stërvitur me skuadrën dhe jam shumë i lumtur. Dua të marr dhe më shumë përvojë dhe të bëhem edhe më i fortë. Keylor Navas është në skuadër dhe jam i kënaqur që kam mundësi të stërvitem sëbashku me të dhe të mësoj gjithçka që mundem nga ai.” – theksoi ndër të tjerash Andriy Lunin gjatë prezentimit të tij sot.

Prince Coffee shkon edhe në Ferizaj – ambient i ngrohtë e risi në menu (VIDEO)

Sponsoruar