Lajme

“Nuk është bërë qëllimisht”, Ambasada e ShBA-së reagon për “pëlqimin” e postimit mbi çnjohjet ndaj Kosovës

Autori: Gazeta inFokus 13:09 | 05 January 2023

Ambasada e SHBA-së në Kosovë ka reaguar lidhur me një “pëlqim” të bërë dje nga kjo faqe zyrtare në një lajm të postuar nga një medium serb në Twitter.

Përmes një emaili dërguar nga ambasada në të cilin citohet një zëdhënëse, Jud Katherine, thuhet se ai lajm nuk është pëlqyer qëllimisht.

Në sqarimin e bërë nga Ambasada thuhet se ai lajm nuk është pëlqyer qillimisht.

-Advertisement-

Gjithashtu thuhet se janë duke e shqyrtuar situatën për të përcaktuar se çfarë ka ndodhur.

“Llogaria zyrtare në Twitter e Ambasadës së SHBA-së nuk ka ‘pëlqyer’ qëllimisht asnjë postim në Twitter gjatë 24 orëve të fundit. Ne po shqyrtojmë situatën për të përcaktuar se çfarë ka ndodhur. Siç u theksua më parë: kur kemi një pozicion për të artikuluar, ne e bëjmë këtë nëpërmjet deklaratave zyrtare, që i atribuohen – jo nga një ‘like’ e mediave sociale”, thuhet në deklaratë.

Mbrëmjen e së mërkurës, mediumi serb “Vaseljenska TV”, publikoi një lajm në të cilin thuhej “Vuçiq rendit nëntë shtetet që tërhoqën njohjen e Kosovës së vetëshpallur”, e që u pëlqye nga Ambasada e ShbA-së në Kosovë.

Subscribe në YouTube: GAZETA INFOKUSI
Black Friday ne Artmotion
-Advertisement-

Të tjera

Fokusi

lajme