Sport

Nuk e do as Xavi, Barça kërkon çdo mënyrë për të larguar mbrojtësin

Autori: Gazeta inFokus 10:54 | 22 November 2021

Barcelona po studion të gjitha opsionet që ka për të bërë të mundur ndërprerjen e marrëdhënies kontraktuale me francezin Samuel Umtiti. Klubi “blaugrana” po vuan pasojat e pagës shumë të lartë dhe performancës në nivelin zero të mbrojtësit, pasi këtë sezon nuk ka luajtur asnjë minutë, pavarësisht presionit që Ronald Koeman ka pasur nga bordi drejtues. Koeman nuk e kishte në konsideratë e duket se të njëjtën gjë po bë edhe Xavi Hernandez.

Përballë kësaj situate, kuptohet që zgjidhja më e mirë është arritja e një marrëveshjeje për përfundimin e parakohshëm të kontratës, pasi palët nuk ranë dakord për uljen e pagës.

Barça është në kërkim të një formule tjetër që i mundëson të çlirohet nga një lojtar me kontratë deri në vitin 2023. Klubi mund t’i ofrojë një shumë parash në dorë dhe futbollisti të jetë i lirë të nënshkruajë me çdo skuadër nga 1 janari.

-Advertisement-

Në katër sezonet e fundit Umtiti ka luajtur gjithsej 3411 minuta, që do të thotë se është aktivizuar po aq sa në sezonin 2017-18, para se t’i rinovohej kontrata dhe kur konsiderohej pjesë kryesore e ekipit.