Sport

Nuk do ta besoni, por paga e Perisic te Hajduku është 1 euro në muaj

Autori: Gazeta inFokus 18:02 | 19 January 2024

Ivan Perisic ka nënshkruar për Hajduk Splitin, si huazim nga Tottenhami deri në fund të sezonit, pas së cilës do të nënshkruajë kontratë njëvjeçare me klubin e kroat.

Kontrata e Perisic me Tottenhamin vazhdon edhe për gjashtë muaj të tjerë, ndërsa ai po rikuperohet nga operacioni i ligamentit të gjurit.

Perisic u prezantua zyrtarisht në konferencën për shtyp sot dhe po ashtu u zbulua se ai do të luajë në Hajdukun për një pagë mujore prej 1 euro, ashtu si Nikola Kalinic, i cili erdhi në klub pak më herët në këtë afat kalimtar.

-Advertisement-

Të dy yjet e futbollit kroat nënshkruan kontratën me një pagë kaq simbolike.

Por Perisic do të ketë bonuse të caktuara nëse Hajduk arrin në grupet e garave evropiane, ndërsa ka edhe të drejtën e largimit në të dy periudhat e ardhme të afatit kalimtar, me kusht që klubi që e kërkon të paguajë paratë e përcaktuara nga shuma ende e panjohur e klauzolës.

Duke qenë se Perisic është lojtar i ekipit të parë të Kroacisë dhe do të luajë në Kampionatin Evropian të Gjermanisë, ai do të kthehet në fushë shumë shpejtë.

Duke luajtur me Hajdukun do të tentojë të futet në formë për Euro 2024, por edhe të ndihmojë klubin në luftën për titullin e parë të kampionatit pas vitit 2005. /Telegrafi/

Subscribe në YouTube: GAZETA INFOKUSI
Etiketa:
Nëntori sjellë Magjinë në ETC
-Advertisement-

Të tjera

Fokusi

sport