Lajme

Nuk arritën të bëhen kryetarë komunash, AAK i “rehaton”nëpër ministri (Dokument)

Autori: Gazeta inFokus 17:50 | 07 December 2017

Në zgjedhjet e fundit lokale në Kosovë të mbajtura më 22 tetor, Aleanca për Ardhmërinë e Kosovës është radhitur e treta pas Listës Serbe dhe Lidhjes Demokratike të Kosovës, shkruan Infokusi.com

AAK ma marrë vetëm 6 komuna, Gjakovën me Ardian Gjinin, Istogun me Gani Dreshajn, Klinën me Zenun Elezajn, Obiliqin me Xhafer Gashin, Rahovecin me Smail Latifin dhe Suharekën me Bali Muharremajn .

Ndërsa kandidatët e tjerë që pretendonin këtë pozitë e shumica prej tyre nuk shkuan as deri në balotazh partia i “rehatoj” nëpër ministri.

-Advertisement-

Së paku katër prej tyre tani gëzojnë pozita të lartë nëpër Ministritë e Kosovës, shkruan Infokusi.com.

Xhavit Zariqi që në këto zgjedhje ishte kandidat për kryetar të Ferizajt ndërsa pasi nuk shkoj as në raundin e dytë të zgjedhjeve u emërua zëvendësministër në Ministrinë e Zhvillimit Ekonomik

Ai në këto zgjedhje është renditur i katërti ndërsa ka marrë vetëm 4,49%. ose 2,289 vota.

Njëjtë veproj edhe kandidati për kryetar të Vitisë, Faruk Nura i cili tani gëzon pozitën e zëvendësministrit në Ministrinë e Diasporës dhe Investimeve Strategjike.

Ndërsa në zgjedhje ai mori vetëm 1,072 vota ose 5,14%.

Edhe për kandidatin e kësaj partie për Gjilanin, Rexhep Kadriun pati vend në ministri, ai u emërua zëvendësministër në Ministrinë e Infrastrukturës. Derisa në zgjedhjet lokale ai mori 3.873 vota ose 8,53%.