Lajme

“Non Grata”, Berisha: DASH s’ka asnjë provë, s’e pranoj kurrë shpifjen

Autori: Gazeta inFokus 14:27 | 30 April 2022

Gjatë fjalës së tij në Kuvendin Kombëtar të PD ish-kryeministri Sali Berisha iu rikthye shpalljes së tij “non grata” nga DASH, duke theksuar se akuzat për korrupsion janë shpifje pasi nuk kanë asnjë provë.

Duke theksuar se është i gatshëm të marrë çdo masë ndaj vetes nëse paraqesin një fakt apo provë kundër tij, Berisha u shpreh se kurrë nuk do ta pranojë gënjeshtrën për të vërtetë.

“DASH më ka sanksionuar për akuza për të cilat nuk ka asnjë fakt provë dhe dokument. Jam sanksionuar nga lobimi i Sorosit të Edi Ramës. CCilido që do të paraqesë një fakt provë apo dokument kundër Sali Berishës ai është i gatshëm të marrë çdo masë ndaj vetes së tij… Unë jam Sali Berisha. Kurrë kurrë kurrë shpifjen, gënjeshtrën nuk e pranoj për të vërtetë. Ju jam mirënjohës ju të cilët ndani me mua këtë qëndrim. Ky Kuvend hap kapitullin e përballjes me qeverinë. Edi Rama është kryeministri më i pashkollë në historinë e Shqipërisë. Po dhe po. Shqipëria në të katër anët e saj lëngon. Edi Rama me burgosje, dhunë vret shpresën në çdo shesh të Shqipërisë. ”, tha Berisha./abcnews.al/

-Advertisement-

Subscribe në YouTube: GAZETA INFOKUSI