Rozë

Noizy ironizon Mozzikun pasi ai arriti mbi dy milionë ndjekës në Instagram, thotë se i ka të blerë

Autori: Gazeta inFokus 10:50 | 25 March 2023

Reperi i njohur, Mozzik krahas një karriere të suksesshme në muzikë është edhe një personazh mjaft i ndjekur në rrjetet sociale.

Reperi nga Ferizaj së fundmi ka arritur 2.1 milionë ndjekës në llogarinë e tij në Instagram, duke u bërë kështu rap-artisi më i ndjekur shqiptar në këtë platformë.

Por, menjëherë pas kësaj ka qenë reperi tjetër nga Shqipëria, Noizy ai që ka ironizuar këtë arritje të Mozzikut.

Në një video që është bërë virale në rrjetin TikTok, Noizy përqesh Mozzikun duke e akuzuar se ka blerë ndjekës.

“Unë do e them se njerëzit nuk ma marrin për të madhe, se fundja fundit të vërtetën thash, Mozziku ka blerë 700 mijë followers, kjo është për artistët e rinj nuk keni pse harxhoni para në videoklipi dhe të bëni këngë nga 2-3 mijë euro apo 20 mijë euro klipi se ndoshta nuk iu ec kënga më mirë investoni 5 mijë euro në followers se ju për followers e bëni dhe investoni aty dhe bëhesh VIP”, dëgjohet duke thënë Noizy.

Mbetet të shihet nëse Mozzik do të reagoj ndaj kësaj deklarate të reperi me të cilin dikur edhe kishte bashkëpunuar.

Dyshja kohë më parë lansuan duetin “Bonjour Madame” që u prit mirë dhe kishte një sukses të madh, por pas kësaj ata shkëputen raportet me njëri-tjetrin. /Telegrafi/

SHKUNDEN ÇMIMET për Ramazan!

Të tjera

Fokusi

roze