Nju Jork, gjykatësi i ndalon ish-presidentit Trump të flasë publikisht për një nga proceset penale
Autori: Gazeta inFokus 07:26 | 28 March 2024
Një gjykatës ia ndaloi ish-Presidentit Donald Trump të flasë publikisht për një çështje penale ndaj tij që pritet të fillojë më 15 prill. Zoti Trump e ka të ndaluar të flasë për dëshmitarët, prokurorët, personelin e gjykatës dhe anëtarët e jurisë. Gjyqtari Juan Merchan ka përmendur si argument rastet e mëparshme kur ish-Presidenti ka bërë deklarata publike “kërcënuese, nxitëse apo denigruese” për njerëzit e përfshirë në proceset ligjore me të cilat përballet.
Ky urdhër nuk është ndalimi i parë i këtij lloji. Një vendim i ngjashëm i është dhënë atij edhe për çështjen penale në Uashington ku përballet me akuzën për përpjekjet e dyshuara për të përmbysur rezultatin e zgjedhjeve të vitit 2020, të cilat ai i humbi.
Avokatët e zotit Trump argumentuan se një urdhër i tillë do të shkelte të drejtën e tij për fjalën e lirë, të garantuar nga Kushtetuta amerikane, duke e lënë atë të pambrojtur, siç thonë ata, ndaj sulmeve nga kundërshtarët politikë për këtë çështje.
Gjyqtari Juan Merchan më 7 mars kishte vendosur që anëtarët e jurisë të mbesin anonimë për publikun, pasi prokurori që ka bërë padinë Alvin Bragg vuri theksin tek e kaluara e zotit Trump i cili është tallur publikisht me anëtarët e jurisë në proceset e tjera.
Rasti i ngritur nga Prokurori Bragg është një nga katër paditë penale me të cilat përballet kandidati republikan për president. Zoti Trump i cilëson të gjitha akuzat si të motivuara politikisht.
Por rasti që ka të bëjë me pagesën për aktoren e filmave pornografik, Stormy Daniels, në këmbim të heshtjes së saj për lidhjen e dyshuar jashtëmartesore me zotin Trump, do të nisë më 15 prill.
Kjo çështjet do të bëhet kështu procesi i parë gjyqësor me të cilin do të përballet ish-Presidenti dhe mund të jetë i vetmi që merr fund para përballjes së zotit Trump me kundërshtarin e tij në zgjedhjet presidenciale të 5 nëntorit, Joe Biden.
Ish Presidenti gjithashtu përballet me akuza penale në shtetin e Xhorxhias për përpjekjet e dyshuara të tij për të ndryshuar rezultatin e zgjedhjeve të vitit 2020, dhe akuza penale federale në Florida për marrjen e dokumenteve të ndjeshme të qeverisë pasi u largua nga Shtëpia e Bardhë më 2021.
Në një çështje civile të ngritur nga Prokurorja e Përgjithshme e Nju Jorkut, Letitia James, një gjykatës i shtetit të Nju Jorkut e gjobiti zotin Trump me 15,000 dollarë vitin e kaluar për shkeljen e dyfishtë të një urdhri kundër të folurit publikisht për personelin e gjykatës.
Zoti Trump po apelon vendimin për çështjen ku u dënua me mbi 454 milionë dollarë për fryrje të vlerave të pronave të familjes së tij për të mashtruar huadhënësit. Më 25 mars, Gjykata e apelit në Nju Jork vendosi të shtyjë ekzekutimin e vendimit të gjobës prej 454 milionë dollarësh ndaj ish-presidentit Donald Trump, nëse ai arrin të depozitojë një garanci prej 175 milionë dollarësh brenda 10 ditëve. /VOA
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...