NJSI’ja nis protestën para Qeverisë
![](https://gazetainfokus.com/wp-content/uploads/2023/12/406027467_757148869784382_8334644272671627344_n-600x3601-1.jpg)
Autori: Gazeta inFokus
12:15 | 09 December 2023
Njësia më elitare e Policisë së Kosovës ka nisur protestën para objektit të Qeverisë së Kosovës, raporton Express.
Bashkë me ta janë renditur edhe përfaqësuesit e Sindikatës së Policisë së Kosovës.
Protesta e tyre pritet të zgjasë deri në orën 12:30. T7 sjell pamje nga protesta:
![No description available.](https://scontent.fprn13-1.fna.fbcdn.net/v/t1.15752-9/400798869_693405329523777_7915943277206637601_n.jpg?_nc_cat=109&ccb=1-7&_nc_sid=8cd0a2&_nc_ohc=zxk7R5B8fhcAX9Qmfh0&_nc_ht=scontent.fprn13-1.fna&oh=03_AdRV6CR8S25K8IoQiOiJHgUBYOYcCI-wNGvk5QEc5aJiTQ&oe=659BC588)
Ndryshe, pakënaqësitë lidhur me shtesat e rrezikshmërisë i kanë nxjerrë në rrugë, edhe më 1 nëntor, pjesëtarët e Njësive më Elitare të Policisë së Kosovës, Njësisë Speciale Intervenuese (NJSI) dhe Njësisë për Trajtimin e Mjeteve Eksplozive (NJTME).
Të veshur në uniforma, por pa armë, ata kishin protestuar para objektit të Qeverisë së Kosovës me tri kërkesa kryesore: kategorizimin si njësi të veçanta dhe përfshirja në listën e ekspertëve, rrezikshmëria të përcaktohet në 50 për qind të pagës bazë dhe që të ketë shtesa për kushte specifike të punës.
![No description available.](https://scontent.fprn13-1.fna.fbcdn.net/v/t1.15752-9/400798869_693405329523777_7915943277206637601_n.jpg?_nc_cat=109&ccb=1-7&_nc_sid=8cd0a2&_nc_ohc=zxk7R5B8fhcAX9Qmfh0&_nc_ht=scontent.fprn13-1.fna&oh=03_AdRV6CR8S25K8IoQiOiJHgUBYOYcCI-wNGvk5QEc5aJiTQ&oe=659BC588)
Një tjetër protestë u paralajmërua nga ta më 7 nëntor, por po atë ditë Policia njoftoi se protesta është pezulluar përkohësisht. Ky vendim erdhi pasi kryeministri Albin Kurti u premtoi atyre takim zyrtar për t’i diskutuar kërkesat e tyre dhe për të gjetur një zgjidhje.
Takimi mes tyre u mbajtë, por pa ndonjë rezultat, që si rrjedhojë erdhi deri te protesta e sotme.
Ndërkohë, pas protestës që zhvilluan këto dy njësite para objektit të Qeverisë së Kosovës në fillim të muajit të kaluar, Kryeministri Albin Kurti dhe Ministri i Punëve të Brendshme, Xhelal Sveçla u deklaruan lidhur me kërkesat e tyre, përmes postimeve në Facebook.
Kurti tha se 27 për qind e pjesëtarëve të Policisë kanë pasur të hyra më shumë se 1000 euro në muaj, duke shtuar se janë 203 policë që sivjet kanë pasur të ardhura edhe më të larta se Presidentja Vjosa Osmani.
”Nevojat, jo vetëm dëshirat, janë përherë e shumë herë më të thjeshta se zgjidhjet. Jetojmë në Kosovë, ku BPV për kokë banori në muaj është rreth 460 euro. E sivjet, 2.134 policë të Kosovës, apo gati 27% morën më shumë se 1.000 euro në muaj mesatarisht. Janë 203 policë të Kosovës që sivjet patën të ardhura më të larta sesa Presidentja e Republikës (1.890 euro bruto, koeficienti 18), e në muajt qershor e korrik ishin afër 700 sosh (ku sigurisht bëjnë pjesë shumica absolute e pjesëtarëve të NjSI)”, shkroi Kurti në postimin e tij,.
Ministri Sveçla deklaroi se ka policë të cilët të ardhurat mesatare mujore e kanë mbi 2 mijë e 200 euro.
“Për ne, ka qenë gjithmonë synim përmirësimi i kushteve të punës, sigurimi i pajisjeve që mbrojnë jetën e zyrtarit policor si dhe trajtimi dinjitoz e i drejtë i tyre, teksa për dallim nga kohërat e mëhershme, kur kompensimet për angazhimet shtesë nuk janë zbatuar fare, ne kemi kompensuar ato pa vonesa. Të ardhurat mesatare mujore gjatë këtij viti të zyrtarëve që protestuan sot janë mbi 2.200 euro”, shkroi Sveçla.
Deklaratat e tyre nxitën reagime të shumta në opinionin publik, pasi sipas Ligjit për Paga, polici i lartë merr pagë bazë vetëm 619 euro.
Kryetari i Sindikatës së Policisë së Kosovës, Imer Zeqiri, kishte sqaruar se një pagë e tillë mund të arrihet vetëm duke pasur parasysh orët shtesë.
”Varësisht se cila është grada e tij, a është polic, rreshter apo toger brenda këtij njësiti. Nëse e marrim një polic të lartë që e ka koeficienti 5.9 aktualisht paga e tij është 619 euro dhe kur llogaritet që ky njësit para implementimit ë ligjit të pagat ka pas shtesë për rrezikshmërisë 215 euro dhe plus 100 euro me një vendim të qeverisë i bie 315 euro, shtesë që nga implementimi i pagave nuk e kanë pranu asnjëherë”, ka deklaruar ai.
![](https://gazetainfokus.com/wp-content/uploads/2024/04/436678866_1174415503561398_3885675707869739924_n.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...