Rozë

Njihuni me gruan që ka 62 vjeç, ndërsa askush nuk do t’ia jepte as 40

Autori: Gazeta inFokus 22:49 | 24 January 2021

“As që kam ëndërruar ndonjëherë që do të dukem kështu, por sekreti qëndron në këtë”

Leslie Carleton e meriton plotësisht titullin e “gjyshes më seksi të botës. Në moshën 62 vjeçare, amerikania ka një pamje sensacionale dhe zor ta gjesh moshën e saj.

Dhe kjo nuk është vetëm qëndrim yni, por 99% e njerëzve të cilët e shohin, sepse Lesli është model për rroba banje.

-Advertisement-

E martuar me aktorin Matthias Hughes (62), Leslie është nënë e dy djemve Septon (44) dhe Aurelius (42), gjyshe e Olivias (10) dhe Lilianës (10).

Si arrihet dukja rinore, sekretin e ka zbuluar për Daily Mail:

“Kurrë nuk kam imagjinuar që do të dukem kështu në moshën gjashtëdhjetëvjeçare. Shumica e njerëzve mendojnë që i kam dyzet vjet dhe befasohen kur u them që i kam mbushur 62!

“Kur kam qenë tinejxhere, nuk kam ushtruar, por nuk jam marrë as me sport. Jam kujdesur çfarë ha dhe fatmirësisht kam pasur trup të hollë”.

“Ndjek këshillat e gjyshes sime e cila ka qenë valltare. Ajo gjithmonë ka ngrënë vakte të vogla, çdo dy deri në tri orë”.

“Madhësia e racioneve të mia të karbohidrateve dhe proteinave është sa një grusht imi.”

“Kur mbusha tridhjetë vjeç, fillova të merrem me karate dhe skijim, ndërsa sot muskujt i rris në palestër. Kjo është arsyeja pse dukem shumë mirë në të gjashtëdhjetat”.

“Kur shoh fotot e mia që kur isha 16 vjeç, vërej se trupi im është i njëjtë, por lëkura është ndryshe. Kjo është ajo çka ju hani. Ju duhet të shikoni dietën tuaj.”

“Gjashtë ditë në javë shikoj se çfarë ha, dhe ditën e shtatë ha çfarë të dua”.

“Tani jam më e hollë se sa kur isha në të dyzetat. Mendova se nuk ishte e mundur, por ja,” pranon ajo.

Gjyshja fotomodele ende firmos kontrata e ka dhe ndjekës të shumtë në rrjetet sociale.

Leslie ka pozuar për revista, katalogë mode e është shfaqur në reklama në të gjithë botën.

Së fundi është regjistruar në një konkurs për kopertinën e revistës së famshme Sports Illustrated, duke u bërë femra më e moshuar që bën diçka të tillë.