Lajme

Njeriu që “krijoi” Dubain po ndërton hotelin më të lartë në botë

Autori: Gazeta inFokus 09:12 | 04 May 2021

Yahya Jan, president dhe drejtor i firmës arkitekturore dhe inxhinierike NORR, e cila qëndron prapa disa prej ndërtesave më të njohura të Dubait, duke përfshirë hotelet Atlantis dhe Shangri-La, është duke punuar për një nga krijimet më ambicioze të jetës së tij.

Kulla Ciel pritet të jetë hoteli më i lartë në botë. Ai do të ketë më shumë se 1 mijë dhoma dhe suita të shpërndara në 82 kate. Hoteli pritet të përfundojë në vitin 2023 dhe të jetë një ndërthurje e luksit dhe arkitekturës moderne.

Projekti do të jetë gjithashtu efikas në energji, duke përdorur 25% më pak energji për kondicionimin e ajrit.

-Advertisement-

“Ky projekt nuk ka të bëjë vetëm me arkitekturën. Ka të bëjë me arkitekturën dhe inxhinierinë që vijnë së bashku. Kjo është arsyeja pse unë e dua shumë. Ai është pasioni im, konvergjenca e shkencës dhe artit”, u shpreh Jan, i cili konsiderohet si njeriu që “krijoi” Dubain.

Jan u rrit në Pakistan dhe u transferua në SHBA, në moshën 18-vjeçare për të studiuar inxhinieri strukturore në Princeton. Ai shkoi për herë të parë në Dubai në 1996, por thotë se kurrë nuk e kishte menduar se do të linte një trashëgimi të tillë, duke modeluar disa nga ndërtesat më ikonike të qytetit.

Sa i përket Kullës Ciel, Jan shpreson që ajo të shihet si e përjetshme, si Empire State Building ose Chrysler Building në New York City./A2CNN

Subscribe në YouTube: GAZETA INFOKUSI
Prince Caffe zgjeron shtrirjen në rajon, arrin marrëveshje bashkëpunimi me zinxhirin kroat Plodine

Të tjera

Fokusi

lajme