Uncategorized

Një sistem arsimor ambicioz në mbështetje të zhvillimit të vendit

Autori: Gazeta inFokus 11:56 | 21 January 2025

Kina synon që deri në vitin 2035 te realizojë një plan arsimor ambicioz, në mbështetje të përpjekjeve për modernizim dhe përtëritje kombëtare.

Po punohet për të përshpejtuar zhvillimin e universiteteve të avancuara kërkimore, do të nxisë universitetet e huaja të nivelit të lartë në shkencë dhe inxhinieri për të ofruar programe në Kinë, si edhe do të promovojë fuqishëm programet profesionale të diplomës pasuniversitare.

Gjithashtu do të krijojë një mekanizëm për të rregulluar disiplinat dhe degët e studimit, në përputhje me përparimet shkencore, teknologjike dhe strategjitë kombëtare të vendit.

-Advertisement-

Janë shtuar në këtë periudhë 1.673 programe universitare urgjentisht të nevojshme për strategjitë kombëtare. Gjithashtu janë hequr 1.670 që nuk përputhen me zhvillimin ekonomik dhe social në 2024.

Ndër degët e reja janë pajisjet inteligjente detare, teknologjia inteligjente e materialeve dhe inxhinieria ndërdisiplinore. Për shembull, Universiteti i Teknologjisë i Kinës Jugore ishte i pari që aplikoi për të ofruar programe në shkencat kompjuterike dhe inxhinierinë e pajisjeve kryesore inteligjente detare.

Këto dy degë kryesore studimi janë krijuar për të mbështetur përmirësimin e industrive strategjike të Kinës dhe zhvillimin e industrive të teknologjisë së lartë në Zonën e Gjirit të Madh Guangdong-Hong Kong-Makao.

Kina ka 1.308 universitete të cilat ofrojnë 816 degë studimi, të shpërndara në 93 nënkategori brenda 12 kategorive. Që nga viti 2012, autoritetet arsimore kanë hapur 21.000 programe universitare dhe kanë anulluar ose pezulluar 12.000, sipas ministrisë.

Projekti i ri arsimor i kushton vëmendje të madhe hapjes. Kina do të rrisë kapacitetin e saj për të trajnuar dhe tërhequr talentet globale, për të zgjeruar shkëmbimet rinore midis Kinës dhe vendeve të tjera, si edhe për të zbatuar programe ndërkombëtare të shkollave verore.

Gjatë tre viteve të ardhshme Kina do të nisë 800 projekte kryesore ndërkombëtare të shkollave verore. Përveç kësaj, do të ftojë 50.000 adoleshentë amerikanë në Kinë për programe shkëmbimi gjatë pesë viteve të ardhshme dhe 10.000 adoleshentë francezë në tre vitet e ardhshme.