Një person dënohet me 12 vjet burgim për kṛime lụfte ndaj civilëve në Kosovë
![](https://gazetainfokus.com/wp-content/uploads/2024/07/r-4-600x340-1.png)
Autori: Gazeta inFokus
16:59 | 19 July 2024
Gjykata Themelore e Prishtinës ka dënuar me 12 vjet burgim Ekrem Bajroviqin, për krime lufte kundër popullatës civile.
Sipas Gjykatës, që e ka identifikuar të dënuarin vetëm me inicialet e emrin të tij, ai është shpallur fajtor për kryerjen e krimeve të luftës kundër popullatës civile shqiptare në fshatrat Staradran, Zallc, Gurrakoc dhe fshtartat tjera përreth të Komunës së Istogut. Ai gjatë luftës kishte qenë polic i Serbisë në stacionin policor të Gurrakocit.
Sipas njoftimit, më 7 dhe 8 maj të vitit 1999, gjatë një aksioni të forcave ushtarake, paramilitare dhe policore kundër popullatës civile shqiptare në këto fshatra, civilët u detyruan të largoheshin nga shtëpitë e tyre dhe u urdhëruan të niseshin drejt Shqipërisë.
I akuzuari, sipas Gjykatës, ndau burrat dhe gratë nga kolona e nisur drejt Shqipërisë, duke i plaçkitur dhe më pas forcat serbe i dërguan në një shtëpi në Staradran, duke i “pushkatuar të paktën 16 civilë të nacionalitetit shqiptarë”.
Gjykata Themelore tha po ashtu se më 7 maj të 1999, Bajroviq kishte marrë pjesë në “arrestimin dhe keqtrajtimin e 84 civilëve të nacionalitetit shqiptar, ashtu që fillimisht të dëmtuarit [burrat] i ndajnë nga kolona tjetër e civilëve, u marrin të gjitha paratë dhe sendet e tjera me vlerë e pastaj që të gjithë i dërgojnë në Gurrakoc në lokalin e Sh.S, ku i kishin maltretuar dhe torturuar në mënyrë çnjerëzore”.
Ndërsa më 8 maj 1999, sipas njoftimit, të ndaluarit i kishin dërguar në stacionin policor në Gurrakoc, “ku kolonës i printe i akuzuari E.B”.
Bajroviqit, në kuadër të dënimit do t’i llogaritet edhe koha e kaluar në paraburgim, pra nga 19 tetori i vitit 2022. Ai ka të drejtë të apelojë vendimin.
Për vendimin e Gjykatës Themelore ka reaguar anëtari i Frontit Demokratik pro-rus, Millan Knezheviq, i cili kërkoi që Parlamenti i Malit të Zi të dërgojë një notë proteste kundër vendimit.
“Jo vetëm për t’u dërguar notë proteste institucioneve të përkohshme të Kosovës, por për t’i dërguar një sinjal të qartë familjes Bajroviq dhe të gjithë qytetarëve malazezë se do t’u ofrojmë mbështetje institucionale për të vërtetuar një aktakuzë farsë”, tha ai.
Partia e tij nuk e njeh pavarësinë e Kosovës.
Knezheviq po ashtu tha se aktakuza ndaj Bajroviqit ishte e “fabrikuar”.
Kryetari i Kuvendit, Andrija Mandiq, – një nga liderët e Frontit Demokratik – tha se Mali i Zi e ka për obligim të kujdeset për qytetarët e tij “të cilët gjenden në një situatë kaq të vështirë”.
Ndryshe, që nga përfundimit të luftës së fundit në Kosovë, rreth 70 persona janë dënuar për krime lufte para institucioneve vendore dhe ndërkombëtare.
Nga viti 2000 deri në vitin 2008, krimet e luftës në Kosovë janë hetuar nga Misioni i Kombeve të Bashkuara në Kosovë (UNMIK), ndërsa nga viti 2008, prej Misionit të Bashkimit Evropian për Sundimin e Ligjit (EULEX).
Në vitin 2018, ky mision i ka dorëzuar lëndët në Prokurorinë e Kosovës dhe në gjykatat vendore.
Gjatë luftës së fundit në Kosovë më 1998-99 janë vrarë më shumë se 13.000 civilë dhe mijëra të tjerë janë zhdukur.
Mbi 1.600 persona vazhdojnë të jenë ende të pagjetur – pjesa më e madhe e tyre shqiptarë./REL
![](https://gazetainfokus.com/wp-content/uploads/2023/11/artikull-1.png)
Të tjera
-
Francezin “non-grata” në Kosovë, Vuçiqi e angazhon që t’i luftojë “rrenat” e mediave perëndimore për Serbinë
Arnaud Gouillon (Arno Gujon) është vetëm 38-vjeç, por ka qenë shumëçka gjatë ...
-
Avokati i Sali Sekiraqës: Dy familjet nuk kishin probleme të mëhershme
Naser Sopjani, avokat i Sali Sekiraqës, ka thënë se nuk ka pasur probleme mes...
-
Mehmet Loci: Në disa raste kam qenë i kamufluar si gazetar i Tanjugut
Mehmet Loci ka vazhduar të mohojë akuzat që i janë bërë atij për dhunën e ush...
-
Azemi: Në Kosova B ka dy javë që s’punojnë filtrat pastrues, shtresat e pluhurit alarmante
Visar Azemi, anëtar i kryesisë së Lidhjes Demokratike të Kosovës (LDK), ka th...
-
Mehmet Loci e pranon se ka ushtruar dhunë ndaj ish të burgosurve politikë
Mehmet Loci e ka pranuar në “Debat Plus”, se ka ushtruar dhunë ndaj ish të b...
-
Aksioni policor në Veri, Hargreaves thotë se ka diskutuar me Kurtin “për shqetësimet e britanikëve dhe partnerëve”
Ambasadori i Britanisë në Kosovë, Jonathan Hargreaves, ka njoftuar për takimi...
-
Bënin gara në autostradë, policia i gjobit me nga 400 euro
Policia e Kosovës njofton se njësia për Kontroll të Autostradave në kuadër të...
-
Hill u bën thirrje shteteve kandidate për anëtarësim në BE që të bashkëpunojnë, debatojnë Gërvalla dhe ministrja serbe
Ambasadori i SHBA’së në Serbi, Christopher Hill, në Forumin Strategjik të Ble...
-
Zv.ministri i drejtësisë: Mali i Zi e Maqedonia po na thonë si ta bëjmë sikur ju Ligjin për Byronë
Zëvendësministri i Drejtësisë, Blerim Sallahu, ka thënë se ka shtete në rajon...
-
Amerika sërish do e ndihmojë Ukrainën
ShBA-ja e cila ka dërguar dhjetëra miliarda dollarë ndihmë ushtarake dhe fina...
-
Policia fton për intervistim pesë përfaqësues serbë në lidhje me institucionet paralale në Veri
Ditë më parë institucionet e Kosovës mbyllën pesë institucione paralele në Mi...
-
Haxhiu viziton Policinë në Ferizaj: Nga janari deri sot, në këtë komunë janë raportuar 188 raste të dhunës në familje
Ministrja e Drejtësisë, Albulena Haxhiu, ka thënë se sot e ka vizituar Drejto...