Lajme

Një muaj paraburgim për vrasjen e të riut në Bresalc

Autori: Gazeta inFokus 15:40 | 30 July 2018

Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit të pandehurit Liridon Uruqit në kohëzgjatje prej 1 muaji.

I pandehuri dyshohet se më 28 korrik në fshatin Bresalc me veprim të drejtpërdrejtë ka privuar nga jeta tani të ndjerin Fatlind Arifi me revole të markës TT të kalibrit 7.62 mm, duke shkrepur në drejtim të ndjerit në një distancë prej 4 – 5 metra, me që rast ka goditur në anën e majtë të kraharorit.

Me këtë veprime i pandehuri ka kryer veprat penale vrasje dhe mbajtja në pronësi, kontroll ose posedim të paautorizuar të armëve.

-Advertisement-

Palët kanë të drejtën e ankesës ndaj këtij vendimi në Gjykatën e Apelit

Subscribe në YouTube: GAZETA INFOKUSI