Lajme

“Nisma” e Prizrenit i gëzohet lajmit që Supremja obligon KQZ’në ta certifikojë Zafir Berishën

Autori: Gazeta inFokus 16:07 | 20 September 2017

Pas vendimit që Gjykata Supreme mori ndaj Komisionit Qendror të Zgjedhjeve, që në fakt e obligoi që t’i certifikojë kandidatët që i ka decertifikuar si; Zafir Berishën, kandidat për kryetar të Prizrenit si dhe dy kandidatë të tjerë.

“Lajmi apo thënë më mirë vendimi i gjykates supreme lidhur me kandidatin për kryetar të Prizrenit Zafir Berisha, është për tu pershendetur dhe njëherit është inkurajuese që më në fund të fillojmë të besojmë se drejtësia në Kosovë, do të vendoset në binaret e duhur”, thuhet në komunikatën e dërguar nga Nisma, shkruan Express.

“Ne NISMA për Kosoven-DEGA në Prizren, konsiderojmë se vendimi i KQZ-së, përveç se ishte i padrejtë, ai ishte më se i qëllimshëm, ngase u mundua që kryetarin e DEGËS NISMA në Prizren, ta privoi nga e drejta për të kandiduar për kryetar të Prizrenit, aq më keq në hyrje të fushates zgjedhore për zgjedhjet lokale. Kjo nuk mund të kuptohet ndryshe, përveç se një atak nga çarçe të caktuara, për ta degraduar DEGËN E NISMA–s në Prizren, në veçanti personalitetin e Zafir Berishes, njeri ky që konsiderohet të jetë fitues i pakontestueshëm i zgjedhjeve lokale. Oponentët e caktuar politik, mbase u munduan që në këtë garë zgjedhore, NISMEN në Prizren, ta fusin me një hendikep të madh, duke etiketuar kështu kryetarin e DEGËS, njëherit kandidatin për kryetar të Prizrenit, Zafir Berisha, mirëpo këtë nuk e arriten dhe se nga sot, ne do të jemi akoma edhe më të fortë dhe më unik, drejtë realizimit të objektivave dhe programit tonë, derisa veprimi tyre veçsa na e ka kapitalizuar suksesin tonë në zgjedhjet e 22. Tetorit”, shkruan në komunikatë.

-Advertisement-

Nisma për Kosovën – Dega në Prizren konsideron se nga kjo ngjarje, siç e quajnë ata, “storje tendencioze”, i është shkaktuar dëm edhe qytetarit të Prizrenit.

“NISMA –DEGA Prizren, falenderon qytetarët e Prizrenit, për përkrahjen e madhe të tyre, gjatë kësaj kohe sa ne u ballafaquam me akte të padrejta dhe qëllimkëqija, dhe njëkohësisht nga tash urojmë fitoren e NISMA-s, e cila njëherit është edhe fitore e qytetarit të Prizrenit”, thuhet në e-mailin e dërguar nga Zyra për Informim nga Nisma për Kosovën – Dega në Prizren.

Subscribe në YouTube: GAZETA INFOKUSI