Lajme

Nis ceremonia e varrimit për 8 familjarët që u vranë dje në Vlorë

Autori: Gazeta inFokus 14:45 | 11 August 2018

Ka nisur ceremonia mortore për 8 viktimat e masakrës së Vlorës, të shkaktuar dje nga dora e 24 vjeçarit Ridvan Zykaj, ndaj familjarëve të fisit të tij.

Bashkëfshatarë të shumtë, të njohur, të afërm dhe persona që i janë bashkuar kësaj dhimbje të thellë, kanë marrë pjesë në ceremoninë mortore më të vështirë që është kaluar ndonjëherë në Shqipëri. Me 8 të vdekur nga dora e një njeriu, mes të cilëve tre gra dhe dy fëmijë.

Varrimi është bërë pranë banesës ku familjarët u ekzekutuan nga i afërmi i tyre pas konflikteve banale të lindura mes familjeve për një akuzë që ishte ngritur ndaj të riut, se ishte autor i vjedhjeve të ndodhura në shtëpitë e tyre, kryesisht të pulave.

-Advertisement-

24-vjeçari vrau me kallashnikov vëllain e gjyshit të tij me gruan, dy djemtë e çiftit të të moshuarve, edhe ata me gratë e tyre, si dhe dy fëmijët e njërit prej djemve, Sarën 17 vjeçe dhe Ledionin vetëm 6 vjeç.

Nis ceremonia mortore për 8 familjarët që dje u vranë nga 24 vjeçari në Vlorë

Ka nisur ceremonia mortore për 8 viktimat e masakrës së Vlorës, të shkaktuar dje nga dora e 24 vjeçarit Ridvan Zykaj, ndaj familjarëve të fisit të tij.

Familjarët do të varrosen në tokat e familjes që ndodhen pranë banesave të tyre, pasi ishte një amanet i të moshuarit të ndjerë, Demir Zykaj, i cili ishte shprehur se kur të vdiste donte të varrosej në tokat e tij.