Sport

Nga edicioni i ri fillon zbatimi i sistemit digjital të garave

Autori: Gazeta inFokus 17:01 | 02 August 2018

Që nga edicioni i ri Federata e Futbollit e Kosovës do të fillojë së zbatuari sistemin digjitial të garave. Ky projekt fillimisht do të nisë vetëm me Superligë, derisa nga edicioni i ardhshëm do të nisë edhe në kategoritë e tjera, shkruan GazetaFokus.

Për këtë qëllim, sot, në selinë e FFK-së, është mbajtur seminari me administratorët e 12 klubeve të Superligës, me qëllim të njoftimit dhe testimit të këtij sistemi. Fillimisht pjesëmarrësit e këtij seminari i kanë përshëndetur presidenti Agim Ademi, anëtari i KE-së, Mirsad }ollaku dhe sekretari i përgjithshëm, Eroll Salihu.

Me këtë rast, presidenti i FFK-së, Agim Ademi, ka theksuar rëndësinë që ka ky projekt për FFK-në, por edhe për vetë klubet tona, në mënyrë që të jemi sa më ekspeditivë dhe në hap me Evropën. Pikërisht nga pjesa administrative fillon edhe ngritja e cilësisë së ligës, prandaj sistemi digjital është shumë i rëndësishëm në këtë aspekt dhe do t’u shërbejë edhe klubeve. Ky ka qenë një projekt goxha i kushtueshëm, por edhe i domosdoshëm, prandaj ne kemi vendosur ta zbatojmë në praktikë, ka theksuar me këtë rast presidenti Ademi. Ndërkohë, për mënyrën e punës në këtë sistem administratorët e klubeve i kanë njoftuar administratori Adem Çollakaj dhe shefi i IT-së, Dardan Sadiku. Ky sistem është vazhdimësi dhe i ndërlidhur me sistemin FIFA Connect.

-Advertisement-