Sport

Neymarin e ka zënë ankthi: Më mungon futbolli, shpresoj…

Autori: Gazeta inFokus 09:34 | 24 Prill 2020

Sulmuesi i Paris Saint-Germain, Neymar Junior, pretendon se pasiguria për kthimin e futbollit për shkak të pandemisë së Koronavirusit e ka lënë atë të vuajë dhe të ketë ankth.

Futbolli në Europë është pezulluar që nga muaji i kaluar për shkak të përhapjes së vazhdueshme të Covid-19. Braziliani pranon se po i mungon futbolli dhe shokët e tij të PSG.

“Të mos dish kur mund të kthehesh të luash, më krijon akth. Me të vërtetë më mungon futbolli, të garoj, të jem në mjedisin e klubit me shokët e mi të PSG. Jam i sigurt që tifozët gjithashtu duan të na shohin të gjithëve përsëri në fushë. Shpresoj që vendimi për të rinisur të vijë sa më shpejt të jetë e mundur.”

-Advertisement-

Neymar i ka mbajtur të përditësuar fansat e tij me gjithçka ka kaluar gjatë këtyre javevë në Brazil, ku kthye sapo u mor vendimi për pezullimin e Ligue 1. Ai u kthye në atdheun e tij, Brazil, pas pezullimit të ligave evropiane.