Lajme

Nexhmedin Spahiu: Thaçi duhet shpallur Mbret

Autori: Gazeta inFokus 12:42 | 12 Shtator 2018

Njohësi i çështjeve politike në vend, Nexhmedin Spahiu ka komentuar deklarimet e fundit të presidentit, Hashim Thaçi se do të marrë Preshevën, Medvegjën e Bujanocin pa i dhënë Serbisë territor të Kosovës.

Spahiu përmes një postimi në facebook ka shkuar se presidenti Thaçi duhet të shpallet Mbret i Kosovë nëse arrin të marrë njohjen e Serbisë pa i dhënë asgjë si këmbim, shkruan gazeta inFokus.

Ai ka thënë se përveç shpalljes Mbret, Thaçi duhet të ketë edhe fron trashëgues nëse nuk i jep Zajednicës kompetenca mbi planifikimin hapësinor, Serbisë asnjë pjesë të territorit dhe merr Preshevën, Medvegjën e Bujanocin.

-Advertisement-

“Nëse Hashim Thaçi arrin me e marrë njohjen e kombit kosovar nga kombi serb duke mos i dhënë Zajednicës kompetenca mbi planifikimin hapësinor, duke mos i dhënë asnjë pjesë të territorit aktual të Kosovës dhe duke i marrë komplet komunat e Preshevës e Bujanovcit, atëherë me plot meritë duhet të shpallet Mbret i Kosovës me fron trashëgues.”, ka shkruar Spahiu.

Kujtojmë që në fillim të kësaj jave përfaqësues të Preshevës, Medvegjës e Bujanocin qëndruan për vizitë në Kosovë.

Ata u takuan me presidentin e Kosovës, Hashim Thaçij i cili edhe një herë u deklarua se do të bëjë përpjekej të bashkoj Preshevën, Medvegjën e Bujanocin me territorin e Kosovës pa asnjë këmbim tjetër.

E përfaqësuesit e Luginës së Preshevës duke falënderuar Thaçin u kanë bërë thirrje opozitës që propozimin e tij ta votojnë në Kuvend./inFokus