Newport News: Stafi u lajmërua se gjashtëvjeçari mund të kishte pasur një armë
Autori: Gazeta inFokus 22:41 | 13 January 2023
Një anëtar i stafit në shkollën e Virxhinias, ku një djalë gjashtë vjeçar dyshohet se qëlloi mësuesin e tij javën e kaluar, ishte alarmuar para të shtënave se fëmija mund të kishte pasur një armë, tha një zyrtar, shkruan BBC.
Çanta e djalit u kontrollua, por nuk u gjet asnjë armë, u tha prindërve mbikëqyrësi i shkollës fillore Richneck, George Parker.
Mësuesja e klasës së parë Abigail Zwerner mbeti me lëndime të rënda pasi policia tha se djali e qëlloi atë “me dashje”.
Policia tha se ai përdori armën e nënës së tij.
Të shtënat kanë tronditur qytetin e Newport News dhe kanë ngritur pikëpyetje se çfarë pasojash ligjore mund të përballet djali për kryerjen e të shtënave.
“Të paktën një administrator u njoftua për një armë të mundshme”, tha Parker gjatë një takimi në internet me prindërit të enjten, sipas një klipi të shpërndarë nga media lokale e lajmeve WAVY-TV. “Anëtari i stafit ishte i vetëdijshëm se ai nxënës kishte një potencial që të kishte një armë në kampus”
Drejtuesi i shkollës nuk sqaroi nëse djali e fshehu armën apo pse autoritetet nuk e gjetën atë në çantën e tij të shpinës.
Pas të shtënave, policia tha se gjeti një pistoletë Taurus 9 mm në klasë pranë tavolinës së nxënësit, së bashku me çantën e shpinës, një celular dhe një gëzhojë.
Policia përcaktoi përmes një interviste me nënën e fëmijës se arma ishte blerë legalisht dhe e ruajtur në shtëpinë e tyre.
Të shtënat kanë ndodhur pa paralajmërim dhe pa përleshje fizike, tha policia e atjeshme.
Shefi i policisë së Newport News, Steve Drew, tha se fëmija qëlloi një plumb në drejtim të mësuesit të tij. Ai shtoi se “të shtënat nuk ishin të rastësishme, ishin të qëllimshme” dhe se ndodhi teksa zonja Zwerner po jepte një mësim.
Shkolla mbetet e mbyllur pas ngjarjes.
Zwerner ishte në gjendje të rëndë, por të qëndrueshme në fillim të kësaj jave, thanë autoritetet atje.
“Distrikti shkollor po instalon detektorë metalikë në çdo kampus dhe do të mbajë një ditë trajnimi për sigurinë ku stafi mund të diskutojë masat shtesë të sigurisë”, tha kryetarja e bordit të shkollës Lisa Surles-Law në një konferencë shtypi të enjten.
Djali gjashtëvjeçar po mbahet në një institucion mjekësor.
Të tjera
-
Ivica Daçiq thotë se i arrestuari në Merdare është Tefik Mustafa, reagon Zyra Ndërlidhëse e Kosovës
Në Serbi është arrestuar një kosovar nën dyshimin për “krime lufte”. Për këtë...
-
Gërvalla për mediumin kanadez: Serbia nuk duhet të ketë vend në NATO dhe BE
Ministrja e Punëve të Jashtme, Donika Gërvalla është shprehur se nuk duhet të...
-
Serbia thotë se e ka arrestuar një kosovar në Merdare
Autoritetet serbe njoftuan të shtunën se e kanë arrestuar një kosovar në pikë...
-
Lutfi Haziri me mesazh për shqiptarët e Kosovës Lindore: Dilni në mënyrë massive në zgjedhje
Nënkryetari i Lidhjes Demokratike të Kosovës, Lutfi Haziri ka bërë thirrje q...
-
Kontingjenti i FSK-së arrin sukses në ushtrimin më gjithëpërfshirës të Turqisë, “EFES 2024”
Ushtrimi ushtarak “EFES 2024”, i mbajtur në Izmir të Turqisë ka përfunduar dj...
-
Dy të lënduar në një aksident në Shipol të Mitrovicës
Një aksident mes dy veturave ka ndodhur në rrugën “Dëshmorët e Kombit” në la...
-
Spitali i Pejës del me njoftim: U sulmuἀm tmerrshëm, zjἀrrin e vuri një person i maskuar, i kemi pamjet
Spitali i Pejës ka dal me një njoftim të rëndësishëm për zjarrin që ka kaplua...
-
Real Madrid fiton për të 15-ën herë Ligën e Kampionëve
Real Madrid ka fituar për të 15-tën herë trofeun e Ligës së Kampionëve. Në...
-
Kurti viziton qendrën e kulturës “Sami Frashëri” në Ankara të Turqisë
Kryeministri i Republikës Kosovës, Albin Kurti dhe zëvendëskryeministrja, Emi...
-
Zhvillohet simpoziumi “Kina dhe bota: Bashkëpunimi, sfidat dhe përfitimet e përbashkëta
Në Pekin u zhvillua simpoziumi "Kina dhe bota: Bashkëpunimi, sfidat dhe përfi...
-
Kina nxjerr masa për të mbështetur rolin rehabilitues të mjekësisë tradicionale kineze
Kina ka publikuar masa për të mbështetur rolin e mjekësisë tradicionale kinez...
-
Aksident mes tre veturave në rrugën Prishtinë-Pejë, katër persona të lënduar
Një aksident i rëndë trafike ka ndodhur pasditen e sotme në rrugën Prishtinë-...