Nesër nis vaksinimi i personelit shëndetësor në Komunën e Pejës
Autori: Gazeta inFokus 16:56 | 01 April 2021
Në mëngjesin e ditës së nesërme do të nisë vaksinimi i personelit shëndetësor në Pejë, ku tashmë në këtë komunë kanë arritur 1 mijë vaksina.
Komuna e Pejës ka bërë të gjitha përgatitjet për të vaksinuar personelin shëndetësor, e që kjo komunë ka rreth 1 mijë profesionistë shëndetësorë.
Drejtori i Shëndetësisë Petrit Loci, tha se kanë bërë të gjitha përgatitjet e nevojshme për të filluar vaksinimin.
“Komuna e Pejës ka bërë të gjitha përgatitje e nevojshme për fillimin e vaksinimit si fillim për punëtorët shëndetësorë dhe mund të konfirmojë se vaksinat tani më kanë mbërritur në Komunën e Pejës dhe vaksinimi pritet të fillojë në mëngjesin e ditës së nesërme për punëtorët shëndetësorë”, tha ai.
Komuna e Pejës nga 24 mijë vaksina sa kanë arritur në Kosovë, ka përfituar 1 mijë të tilla, e që Loci thotë se janë të mjaftueshme vetëm për personelin shëndetësor.
“Janë 1 mijë vaksina që kanë arritur momentalisht në qytetin e Pejës dhe besojmë që në qoftë se kemi kërkesa të tjera për sasi të caktuar na është shprehur gatishmëri që të na furnizojnë, pasi që dihet se është edhe një numër i kufizuar, për momentin gjithsej 24 mijë vaksina që kanë arritur për tërë vendin dhe Komuna e Pejës ka përfituar aq sa është edhe numri i punëtorëve shëndetësorë”, tha ai.
Loci u shpreh se përveç personelit shëndetësor, nëse do të kenë mundësi do të vaksinojnë edhe pacientët e hemodializës.
“Përveç personelit shëndetësor si fillim është menduar, se nëse do të kemi ndonjë zbrazësi, pra ka persona të cilët nuk do të vaksinohen apo të cilët kanë kaluar COVID-in muajin e fundit, atëherë do të përfshihen disa kategori. Si fillim është menduar që të përfshihen pacientët e hemodializës dhe do të shohim hap pas hapi se si do të rrjedhë ecuria, në mënyrë të vendoset si do të procedojmë me grupet tjera”, tha ai për KosovaPress.
Drejtori i Shëndetësisë në Komunën e Pejës, tha se edhe në këtë komunë ka rritje të rasteve pozitive me COVID-19, por në përgjithësi gjendja është nën kontroll.
“Kemi rritje të rasteve në javët e fundit si në tërë territorin e Kosovës ashtu edhe në Komunën e Pejës, kemi mjaft raste aktive, si dhe raste të cilat dita-ditës po shënojnë rritje në bazë të testimeve, të cilat bëhen qoftë nga ana e Institutit Kombëtar të Shëndetit Publik dhe Qendra Kryesore e Mjekësisë Familjare me teste antigjene. Pra, kemi shtim të rasteve, por situata është nën menaxhim dhe nën kontroll, përfshirë Spitalin e Përgjithshëm të Pejës ku kemi rreth 80 pacientë të shtrirë. Gjithashtu, kemi një numër të konsiderueshëm të pacientëve ditorë që marrin terapi për COVID. Në total, nëse e marrim parasysh javën e fundit kemi pasur rritje të trendit të të infektuarve, por shpresojmë që me fillimin e vaksinimit dhe nëse ndërmerren masa tjera shtesë, besojmë se do të kemi një stabilizim”, tha ai.
Më 28 mars në Kosovë kanë arritur 24 mijë doza të vaksinës AstraZeneca si donacion nga COVAX.
Të tjera
-
Rama takon Jasharin, diskutojnë për shtatoren e Adem Jasharit
Kryetari i Komunës së Prishtinës, Përparim Rama, ka pritur në takim Bekim Jas...
-
Osmani për donacionin në QKUK: Rikthim i dinjitetit për pacientët
Klinika e Mjekësisë Bërthamore në Qendrën Klinike Universitare të Kosovës ësh...
-
Regjistrimi i popullësisë: Komuniteti boshnjak në Kosovë shfaq drojën se numri i tij mund të zvogëlohet
Komuniteti boshnjak në Kosovë shfaq drojën se numri i tij mund të zvogëlohet,...
-
Lṷfta e fundit në Kosovë: Rreth 22 miliardë euro dëme materiale
Institucioni i Avokatit të Popullit po mban një tryezë diskutimi me rastin e ...
-
“Termokos” përmbyll sezonin e ngrohjes
Ndërmarrja “Termokos”, ka përmbyllur sezonin e ngrohjes për vitin 2023-2024. ...
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...