Lajme

Nesër dhe pasnesër borë në Kosovë

Autori: Gazeta inFokus 23:30 | 20 November 2024

Instituti Hidrometeorologjik i Kosovës ka bërë të ditur se në orët e para të ditës së enjte parashihen reshje të dendura të shiut dhe borës në gjithë vendin.

Instituti ka rekomanduar që ngasësit e veturave të bartin paisjet dimërore dhe të kenë kujdes, siç thuhet aty, sidomos në rrugët e viseve të larta dhe mesatare.

“Në orët e para të ditës së enjte ( pas mesnate),parashihen reshje të dendura të shiut dhe borës në gjithë vendin. Rekomandohet që ngasësit e veturave të bartin paisjet dimërore dhe të kenë kujdes , sidomos në rrugët e viseve të larta dhe mesatare”.

-Advertisement-

“Mot kryesisht i vranët dhe me reshje të dendura të shiut dhe borës shiut dhe borës. Reshjet parashihen të përfshijnë gjithë territorin e Republikës.Temperaturat minimale do të lëvizin ndërmjet – 1 deri 2gradë Celsius, ndërsa maksimalet e ditës parashihen të lëvizin ndërmjet 3-6gradë Celsius. Do të fryjë erë nga drejtimi i verilindjes me shpejtësi 1-6m/s”, thuhet në njoftim.

Ndërkaq, të premten, në viset e larta parashihen reshje bore, derisa edhe në disa pjesë reshjet e borës mund të përfshijnë edhe viset mesatare.

“Mot kryesisht i vranët dhe me riga shiu të intensitetit të mesëm. Në viset e larta parashihen reshje bore, derisa edhe në disa pjesë reshjet e borës mund të përfshijnë edhe viset mesatare. Temperaturat minimale do të lëvizin ndërmjet -5 deri-2gradë Celsius, ndërsa maksimalet e ditës parashihen të lëvizin ndërmjet 4-7 gradë Celsius. Do të fryjë erë e lehtë deri mesatare nga drejtimi verilindjes”, thuhet në njoftimin e IHMK-së.

Instituti Hidrometeorologjik i Kosovës gjithashtu ka njoftuar se vikendi parashihet me ulje të përkohshme të temperaturave dhe me ngrica.

Subscribe në YouTube: GAZETA INFOKUSI