Sport

Nesër dalin në shitje biletat për ndeshjet ndaj Danimarkës dhe Bullgarisë

Autori: E.M 20:28 | 07 March 2019

Përfaqësuesja e Kosovës në futboll gjatë muajit mars do ti zhvillojë dy ndeshje në stadiumin “Fadil Vokrri” në Prishtinë, shkruan Gazeta inFokus.

Fillimisht më 25 mars Kosova e pret Danimarkën në një ndeshje miqësore, ndërsa 4 ditë më vonë Dardanët janë nikoqir të Bullgarisë në ndeshjen e parë të ciklit eliminator “EURO 2020”.

Biletat për këto dy përballje pritet të dalin nesër në shitje.

-Advertisement-

Lajmi është konfirmuar nga zëvendës sekretari i Federatës së Futbollit të Kosovës, Arianit Ahmeti, i cili njëherit ka bërë publike edhe zyrtarisht çmimet e biletave.

“Biletat do të dalin nesër në shitje. Ato kanë pësuar pak rritje. Në veri dhe në jug janë pesë euro. Në perëndim, pjesa e poshtme është 15 euro, ndërsa sipër 20 euro. Zona VIP është 80 euro. Ndërsa, biletat në lindje do të kushtojnë të gjitha 15 euro, edhe pjesa në mes lindjes dhe veriut janë 10 euro” ka thënë Ahmeti./Gazeta inFokus/

Subscribe në YouTube: GAZETA INFOKUSI