Lajme

Nëntë drejtorë të klinikave të QKUK-së marrin sot zyrtarisht detyrën

Autori: Gazeta inFokus 14:56 | 17 December 2021

Nëntë drejtorë të klinikave në Qendrën Klinike Universitare të Kosovës, të zgjedhur me konkurs të brendshëm, kanë marrë detyrën sot zyrtarisht.

Në praninë e kryesueses së Bordit të Shërbimit Spitalor Klinik Universitar të Kosovës, Agreta Gecaj- Gashi dhe drejtorit të përgjithshëm të SHSKUK-së, Valbon Krasniqi, ata kanë nënshkruar kontratat.

Në njoftimin për media thuhet se menaxhmenti i SHSKUK-së u uroi suksese drejtorëve, derisa kërkoi nga ta që të jenë në nivel të detyrës, të marrin përgjegjësitë dhe të angazhohen maksimalisht në përmirësimin dhe rritjen e cilësisë së shërbimeve shëndetësore për pacientët.

-Advertisement-

Ata u shprehën të bindur që drejtorët e klinikave, duke marrë parasysh edhe punën por edhe përvojën e tyre, do të përmbushin me sukses misionin e tyre.

Drejtorët e zgjedhur janë:

Naser Syla, drejtor i Klinikës Emergjente

Shemsi Veseli, drejtor i Klinikës së Biokimisë

Violeta Zatriqi, drejtoreshë e Kirurgjisë Plastike

Gazmend Spahija, drejtor i Klinikës së Anesteziologjisë dhe Mjekimit Intensiv Qendror

Merita Sadiku- Emini, drejtoreshë e Klinikës së Endokrinologjisë

Besnik Elshani, drejtor i Klinikës së Neurokirurgjisë

Musa Hoxha, drejtor i Klinikës së Pulmologjisë

Fitore Komoni, drejtoreshë e Klinikës së Gastro-entrologjisë

Arben Vishaj, drejtor i Klinikës Infektive.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International

Të tjera

Fokusi

lajme