Nënshkruhet protokolli për kontrollin e përbashkët kufitar Kosovë-Shqipëri
Autori: Gazeta inFokus 19:10 | 08 July 2024
Ministri i Punëve të Brendshme Xhelal Sveçla dhe homologu i tij nga Shqipëria Taulant Balla nënshkruan sot në Qafë Morinë marrëveshjen e kontrollit të përbashkët të kufitar, e cila njëherësh do të krijojë rrethana lehtësuese për banorët e të dy anëve të kufirit, në veçanti zonave përreth pikave kufitare Qafë Morinë, Qafë Prush, Shishtavec-Krushevë, Borje-Glloboçicë dhe Orgjost-Orçush.
Ministri Sveçla ka thënë se marrëveshja do të lehtësojë kalimin e qytetarëve nga të dyja vendet.
“Ashtu siç kemi deklaruar qe një kohë po punojmë intensivisht që të dy komunitetet të përafrohen sa më shumë në kuptimin e lehtësirave të ndryshme duke sjellë realitetin që realisht këta nuk do ta ndiejnë fare kufirin… Unë them se ne nuk do të ndalemi që puna jonë të jetë sa më efektive dhe jeta e qytetarëve të të dyja shteteve të jetë sa më e lehtë”, tha Sveçla.
Ai ka folur edhe rreth veprimeve që do të ndërmerr policia në rast të kalimit të personave ose veturave të dyshimta në pikat kufitare me Shqipërinë.
“Të gjitha veturat me targa të Republikës së Kosovës apo të Republikës së Shqipërisë nuk do të ndalen, ato do të regjistrohen nga kamerat. Në rast të dyshimit për ndonjë veturë apo udhëtarë, policia ka autorizimet dhe kapacitetet që të bëjë kontroll të dytë, por në realitet tash po mund të shoh se ka filluar zbatimi i protokollit të sapo nënshkruar dhe po shoh veturat me targat e të dyja vendeve duke qarkulluar pa u ndaluar fare”, ka thënë Sveçla.
Ministri i Shqipërisë, Taulant Balla tha se arritja e kësaj marrëveshjeje për heqjen e kontrollit do të shkurtojë edhe kohën e pritjes për shtetasit e Shqipërisë dhe ata të Kosovës.
“Ne kemi përfituar nga mundësia që na jep teknologjia që përmes sistemit të kamerave të regjistrojmë të gjitha targat për të pasur një evidencë të qartë. Ndërkohë që lajmi i mirë nuk është vetëm për ne, për qytetarët e Shqipërisë apo të Kosovës, sepse në këto pika të kalimit kufitar janë dhe të shumtë turistët që vijnë të vizitojnë bukuritë e Malësisë së Gjakovës në të dy pjesët e saj, kështu që në këtë aspekt edhe për qytetarët e huaj, vizitorë që vijnë në Tropojë apo duan të shkojnë në Gjakovë, ky lehtësim i kalimit të kufirit është një mundësi e mirë,” tha Balla.
Ministri Balla ka thënë se lehtësimi i kontrollit kufitar ndërmjet dy vendeve do të ndikojë edhe në shtimin e numrit të turistëve kosovarë në bregdetin e Shqipërisë.
Ai ka thënë po ashtu se beson që Shqipëria sivjet do të tejkalojë shifrën prej 14 milionë turistëve.
Të tjera
-
Pamje nga vendi i ngjarjes në aksidentin ku mbetën të lënduar dhjetë persona
Një aksident trafiku mes një veture dhe minibusi ka ndodhur mëngjesin e sotëm...
-
Abdixhiku: Thellësisht i pikëlluar nga ngjarja tragjike mbrëmë në liqenin e Badocit, bashkëndjej me familjet e të rinjve
Kryetari i Lidhjes Demokratike të Kosovës, Lumir Abdixhiku është shprehur the...
-
Aksidenti me tre të vdekur në Badoc, Konjufca: Me shumë dhimbje e mora lajmin
Kryetari i Kuvendit të Kosovës, Glauk Konjufca, ka reaguar pas aksidentit tra...
-
Doganierët zbulojnë mallra me afat të skaduar, pamundësohet futja e tyre në Kosovë
Oficierët doganorë kanë arritur të zbulojnë mallra me afat të skaduar brenda ...
-
Kurti takon Moisiun dhe Sejdiun, diskutohet për marrëdhënien Kosovë – Shqipëri
Kryeministri i Kosovës Albin Kurti, i ka takuar ish presidentin e Shqipërisë ...
-
“Policia me ndihmën e FSK’së dhe zjarrfikësve…”- Sveçla shkruan për tragjedinë me tre të vdekur në Badovc
Ministri i Punëve të Brendshme, Xhelal Sveçla, është deklaruar lidhur me rast...
-
Çeku: Pas 26 vitesh ka nisur master plani për konservimin e kullave në Prekaz
Ministri i Kulturës, Rinisë dhe Sportit, Hajrullah Çeku ka thënë se pas 26 vi...
-
Rama shpreh ngushëllime familjarëve të viktimave që humbën jetën mbremë në Liqenin e Badovcit
Kryetari i Prishtinës, Përparim Rama, ka shprehur ngushëllime për familjet e ...
-
Aksidenti me tre të vdekur te Badovci: Zbardhet shkaktari që çoi në tragjedinë
Policia e Kosovës ka bërë të ditur se tre persona kanë vdekur si pasojë e një...
-
Kurti refuzon t’i japë notë raportit me Ramën: Në kuptimin e vizionit të përbashkët, nuk kemi dallime
“Nuk mund ta bëj një kualifikim të tillë”, tha kryeministri i Kosovës, Albin ...
-
Në Hagë nesër vazhdon procesi gjyqësor ndaj ish-krerëve të UÇK-së
Në Dhomat e Specializuara të Kosovës në Hagë, nesër mbahet seancat përgatitor...
-
Aksidenti në Badoc: Dy trupa u gjetën në ujë, njëri në veturë – intervenoi edhe FSK-ja
Tre persona kanë mbetur të vdekur mbrëmë, pasi vetura me të cilin po lëviznin...