Lajme

Nëna me foshnjën në Pejë u mbajtën të mbyllura tri ditë në një shtëpi, policia jep detaje

Autori: Gazeta inFokus 16:45 | 22 March 2022

Një person është arrestuar nga Policia e Kosovës dhe është ndaluar për 48 orë, pasi dyshohet se i ka mbajtur të mbyllur për tri ditë një grua me foshnjën e saj, në një shtëpi në rrugën “Agush Gjoci”, në Pejë.

Sipas policisë, viktima me fëmijën e saj ishte mbyllur në atë shtëpi pa dëshirë. Pas gjetjes nga policia, ajo dhe fëmija kanë marrë trajtim mjekësor në Spitalin e Pejës.

Ndërkaq, sot policia ka arritur që ta ndalojë të dyshuarin M.D., 56-vjeçar.

-Advertisement-

Njoftimi i plotë:

Me datë 20.03.2022, rreth orës 16:00, Policia është informuar se në rrugën “ Agush Gjoci” në Pejë, një femër së bashku me fëmijën e saj është duke u mbajtur e mbyllur pa dëshirën e saj në një shtëpi.

Policia menjëherë iu është përgjigjur vendit të ngjarjes, nga aty kanë marrë viktimën së bashku me fëmijën, të cilët janë dërguar për tretman mjekësor në Spitalin Rajonal në Pejë.

Viktima deklaron se është mbajtur e mbyllur pa dëshirën e saj nga i dyshuari tri (3) ditë.

Njësiti i hetimeve pranë Stacionit Policor në Pejë, pas një pune intensive operativo-hetimore, sot me datë 22.03.2022, ka arritur ta lokalizoj dhe arrestoj të dyshuarin: M.D. i lindur me 1966, i dyshuari pas intervistimit me vendim të prokurorit të shtetit është dërguar në ndalim Policor prej 48- orësh.

Subscribe në YouTube: GAZETA INFOKUSI