Në mungesë të Ligjit, transplantimet e veshkave kryhen jashtë Kosovës
![](https://gazetainfokus.com/wp-content/uploads/2017/07/887565C9-66B2-420B-8D20-5D307E34AF2A_w1023_r1_s-1-852x460.jpg)
Autori: Gazeta inFokus
10:20 | 01 July 2017
Semundjet e veshkeve prekin çdo të njëmbëdhjetin person, sipas të dhënave të Organizatës Botërore të Shëndetësisë.
Në Kosovë, rreth 80 raste të reja në vit hyjnë në dializë. Këto janë shifrat që i paraqesin profesionistë dhe përfaqësues të institucioneve shëndetësore.
Ibrahim Rrudhani, koordinator nacional për cilësi në nefrologji, thotë për Radion Evropa e Lirë se kohët e fundit vërehet shtim i numrit të njerëzve që preken me sëmundje të veshkave.
“Sëmundjet e veshkës i kanë 5 shkallë. Dy shkallët e para janë tinëzare dhe nuk vërehet sëmundja. Andaj, njerëzit duhet të kenë kujdes të shtuar për këtë organ. Sa u përket barnave nga lista esenciale, ato i posedojmë në Klinikën e nefrologjisë në Qendrën Klinike Universitare të Kosovës. Po ashtu, i kemi edhe barnat që i trajtojmë pacientët me veshkë të transplantuar”, thotë Rrudhani.
Kosova nuk ka ligj që rregullon çështjen e transplantimit të organeve. Në Ministrinë e Shëndetësisë thonë se që nga viti 2013, është përgatitur Ligji, i cili më pas është dërguar në Kuvendin e Republikës së Kosovës.
Por, më pastaj, Misioni i Bashkimit Evropian për Sundimin e Ligjit – EULEX, kishte kërkuar që ligji të tërhiqet nga procedura.
Ndryshe, në Kosovë janë 126 pacientë që kanë transplantuar veshkat. Ata trajtimin e marrin në Qendrën Klinike Universitare, derisa transplantimet i kryejnë jashtë Kosovës, në mungesë të ligjit për transplantime.
“Janë 126 pacientë në Kosovë që kanë transplantuar veshkat jashtë vendit. Në mungesë të ligjit, (transplanti) nuk kryhet në Kosovë. Kemi mungesë edhe të stafit për transplant. Ministria e Shëndetësisë i ndihmon financiarisht pacientët për transplante jashtë Kosovës. Pas transplantimit, ata kthehen menjëherë në Kosovë dhe jemi ne ata që i mbikëqyrim në Klinikën nefrologjike në QKUK”, shpjegon Rrudhani.
Në Ministrinë e Shëndetësisë thonë se aktualisht në Kosovë mund të kryhen transplantimet e indeve dhe qelizave, derisa ato të veshkave dhe organeve tjera nuk mund të bëhen deri në procedimin e ligjit në Kuvendin e Kosovës.
Faik Hoti, drejtor i Departamentit të Informimit në Ministrinë e Shëndetësisë, thotë se ri-procedimi i ligjit do të duhet të bëhet në bashkëpunim me të gjitha institucionet tjera.
“Në një të ardhme, do të duhej të dërgohej ligji për transplante në Kuvendin e Kosovës. Pas hartimit të legjislacionit, të ketë mundësi që edhe në praktikë të bëhen transplantime në kushte profesionale. Por, sigurisht se kjo duhet të bëhet në bashkëpunim me të gjitha institucione tjera”, thotë Hoti.
Zyrtarë qeveritar kanë deklaruar tashmë se Ministria e Shëndetësisë e ka tërhequr ligjin për transplantim organesh nga Komisioni dhe nga Kuvendi i Kosovës, në fazën kur është dashur të kalojë në leximin e dytë.
Ishte Misioni i Bashkimit Evropian për Sundimin e Ligjit – EULEX, i cili kishte kërkuar që ky ligj të tërhiqet nga procedura.
Ky mision po zhvillonte atë kohë hetime në lidhje me rastin e njohur si “Medicus”, i dyshuar për transplantime ilegal të organeve, pasi në Kosovë ishin kryer transplantet e organeve, por të cilat janë cilësuar të kundërligjshme.
Më pas në vitin 2013, Gjykata Themelore e Prishtinës, në bazë të një procesi të udhëhequr nga EULEX-i, i njohur si rasti “Medicus”, pati shpallur fajtorë urologun Lutfi Dervishi, dhe djalin e tij Arban Dervishi, si dhe të punësuarin tjetër në këtë klinikë, Sokol Hajdinin.
Këta ishin akuzuar për përfshirje në trafikim dhe transplantim të paligjshëm të organeve në Kosovë në vitin 2008.
![](https://gazetainfokus.com/wp-content/uploads/2023/11/artikull-1.png)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...