Sport

Në “Katar 2022”, legjenda kroate hedh “vallen e fundit” me kombëtaren

Autori: Gazeta inFokus 10:07 | 25 October 2022

Kur e sheh Luka Modricin duke luajtur futboll, mrekullohesh prej klasit të tij dhe të duket sikur është në kulmin e karrierës, por realiteti është se kroati është afër të 40-ave. Mesfushori deklaroi gjatë orëve të fundit se Botërori i Katarit do të jetë turneu i tij i fundit me kombëtaren.

“Jam i vetëdijshëm që kam një moshe të caktuar dhe se ky do të jetë kompeticioni im i fundit me kombëtaren kroate”, – tha Modric për Fifa+.

Pas Kupës së Botës 2018, ku Modric udhëhoqi kombin e tij të vogël në finale dhe fitoi Topin e Artë, pati një rënie të konsiderueshme në paraqitjet e tij me Realin e Madridit sezonin pasues. “Magjistari i vogël” synon të zvogëlojë numrin e ndeshjeve sezonale teksa po hyn në vitet e fundit të karrierës së tij. Qëllimi është nënshkruajë një zgjatje tjetër të kontratës me “Los Blancos”.

-Advertisement-

Pavarësisht moshës së tij, cilësia e Luka Modricit është e dallueshme. Ai nuk ka shfaqur asnjë shenjë rënieje që pas rikthimit të tij në formë pas sezonit 2018-2019 dhe ishte vendimtar në triumfin e Realit në La Liga dhe Champions League sezonin e kaluar.

Subscribe në YouTube: GAZETA INFOKUSI