Sport

Ndryshon vendi ku do të luhet takimi Vllaznia – Gjilani

Autori: Gazeta inFokus 16:19 | 16 October 2017

Ndeshja mes Vllaznisë dhe Gjilanit pritej të zhvillohej në Ferizaj, pasi që klubi nga Pozharani ka marrë leje në komunën e këtij qyteti.

Dueli ndërmjet Vllaznisë dhe Gjilani po pritet me një interesim mjaft të madh nga qytetarët e Anamoravës, derisa së fundmi është caktuar edhe zyrtarisht arena e takimit.

Tashmë ekipi i Vllaznisë e ka paraqitur terrenin në stadiumin e qytetit të Gjilanit në Federatën e Futbollit të Kosovës si arenë takimi ku kjo skuadër do zhvillojë ndeshjen e radhës pikërisht ndaj kuq e bardhëve.

-Advertisement-

Pavarësisht se Vllaznia kishte bërë kërkesë në Kuvendin Komunal të Ferizajt për t’i zhvilluar ndeshjet në këtë qytet, tashmë ekipi nga Pozherani ka vendosur ti vazhdojë ndeshjet në stadiumin e qytetit në Gjilan, por për sa kohë ende nuk dihet.

Ajo që është e sigurt tashmë dueli ndërmjet Vllaznisë së Pozheranit dhe Gjilanit do zhvillohet ditën e shtunë me fillim nga ora 14:00.

Vllaznia me Bylbyl Sokoli është në kërkim të pikëve pasi është në vendin e fundit në renditje.

Subscribe në YouTube: GAZETA INFOKUSI