Lajme

Ndalohet një autobus në Merdare, në një valixhe kapet nga Dogana një armë me 50 fishekë

Autori: Gazeta inFokus 19:46 | 22 December 2024

Dogana e Kosovës ka njoftuar se në pikën kufitare në Merdare gjatë kontrollit të valixheve që ndodheshin në një autobus me targa të Kosovës, është vërejtur një armë me 50 fishekë.

Sipas njoftimit të Doganës, pas verifikimeve të mëtejshme, është konstatuar dhe gjetur pronari i valixhes, shkruan lajmi.net.

“Arma dhe fishekët janë konfiskuar menjëherë dhe janë dorëzuar pranë Policisë Kufitare për procedura të mëtejshme ligjore. Policia e Kosovës ka marrë përsipër trajtimin dhe hetimin e këtij rasti, në përputhje me ligjet në fuqi. Ftojmë qytetarët të bashkëpunojnë me organet kompetente dhe të raportojnë çdo veprim të dyshimtë, në mënyrë që të kontribuojmë së bashku për një mjedis më të sigurt”, thuhet në njoftimin e Doganës.

-Advertisement-

Postimi i plotë në Facebook:

Subscribe në YouTube: GAZETA INFOKUSI