Rozë

Ndahet nga jeta aktorja e parë që luajti Wednesday Addams

Autori: Gazeta inFokus 14:52 | 30 January 2023

Lisa Loring – aktorja e parë që luajti personazhin e Wednesday-t, anëtares më të re të familjes së çuditshme, misterioze dhe drithëruese Addams – ka vdekur nga një goditje në tru, në moshën 64-vjeçare.

Lajmin e ka konfirmuar vetë vajza e saj, Vanessa Foumberg.

“Ajo u largua në mënyrë paqësore me të dy vajzat e saj duke i mbajtur duart”, tha Foumberg.

-Advertisement-

Butch Patrick, i cili luajti Eddie Munster në “The Munsters”, i bëri homazhe Loring në Facebook, duke shkruar se ndihej shumë keq që dëgjoi për vdekjen e shoqes së tij.

“Ishim shumë të afërt dhe punonim shpesh bashkë. E di që ishte shumë e dobët. Unë isha në shoqërinë e saj vetëm disa javë më parë”.

Loring luajti Wednesday-n nga vitet 1964 deri në 1966 në Familjen Addams, përshtatja e parë e karikaturave të Charles Addams në New Yorker.

Ajo ishte vetëm pesë vjeç asokohe.

Loring lindi Lisa Ann DeCinces në vitin 1958.

Ajo jetoi në Ishujt Marshall dhe Hawaii përpara se të vinte në Los Angelos.

Loring filloi modelingun në moshën tre vjeçare dhe më pas u përfshi në një episod të Dr. Kildare.

Pasi “The Addams Family” përfundoi shfaqjen e saj dy-sezonale, ajo iu bashkua sitcom-it të ABC-së, “The Pruitts of Southampton”.

Ajo u shfaq në seriale duke përfshirë Fantasy Island dhe Barnaby Jones.

Më vonë mori pjesë në filma të ndryshëm të viteve ’80, duke përfshirë Savage Harbor, Blood Frenzy dhe Iced, dhe punoi si grimiere në filmat për të rritur nën emrin “Maxine Factor”.

Ajo ka lënë pas dy vajza, Marianne dhe Vanessa.

Subscribe në YouTube: GAZETA INFOKUSI

Të tjera

Fokusi

roze