NATO-ja rikonfirmon mbështetjen e fuqishme për Ukrainën dhe për vlerat demokratike që mishëron aleanca
Autori: Gazeta inFokus 22:17 | 10 July 2024
Takimi i nivelit të lartë i NATO-s vazhdon në Uashington dhe në qendër të tij mbetet mbështetja për Ukrainën përballë agresionit rus, e cila po karakterizohet nga udhëheqësit e aleancës dhe të vendeve anëtare si një mbështetje për demokracinë dhe paqen. Presidenti i Shteteve të Bashkuara, Joe Biden dhe krerët e vendeve të tjera anëtare të NATO-s pritet të shpallin ndihmë të re ushtarake për Ukrainën.
Të mërkurën në takim Sekretari amerikan i Shtetit, Antony Blinken konfirmoi se drejt Ukrainës janë nisur avionë të tjerë F-16 të dërguar nga Danimarka dhe Hollanda.
Sekretari i Përgjithshëm i NATO-s, Jens Stoltenberg tha se pret që të miratohet një paketë të konsiderueshme për Ukrainën në takimin e nivelit të lartë. Zoti Stoltenberg tha se paketa do të përfshijë një komandë të re të NATO-s për Ukrainën për të ofruar ndihmë dhe trajnim për sigurinë, dhe një zotim afatgjatë për të vazhduar mbështetjen për Kievin.
Zoti Stoltenberg tha gjithashtu se pret që aleatët të përsërisin angazhimin se Ukraina do të bëhet anëtare e NATO-s.
Ambasadori Michael Carpenter, këshilltar i Posaçëm i Presidentit Joe Biden dhe Drejtor për Evropën në Këshillin e Sigurisë Kombëtare konfirmoi për Zërin e Amerikë se në një komunikatë të aleancës thuhet se rruga e Ukrainës drejt NATO’s “është e pakthyeshme”.
Megjithatë në këtë takim nuk pritet që Ukraina të marrë një ftesë për anëtarësim.
“Ne kemi qenë gjithmonë avokatë të së ardhmes së Ukrainës në NATO. Pyetja është, si mund ta përcjellim mesazhin e vullnetit tonë të fortë për të parë sa më shpejt përparim drejt synimit përfundimtar për anëtarësimin e Ukrainës në Aleancë? Përmes samitit po përpiqemi të të sigurojmë këtë urë drejt anëtarësimit”, tha zoti Carpenter.
Ndërkohë sipas një varianti të komunikatës së cituar nga agjencia Reuters, NATO-ja i bën thirrje Kinës të ndërpresë mbështetjen për luftën e Rusisë ndaj Ukrainës, duke thënë se me ndihmën e saj ndaj Rusisë, Kina vazhdon të parqaqesë sfida për Evropën dhe sigurinë globale. Aleatët thonë gjithashtu se do të zgjerojnë partneritetet e tjera veçanërisht në rajonin Azi-Paqësor.
Dje në një ceremoni për nder të 75 vjetorit të NATO-s, Presidenti Joe Biden mirëpriti udhëheqësit e vendeve anëtare duke argumentuar fuqishëm se forca e aleancës i shërben paqes. Ai i bëri komentet në një moment që përbën ndoshta sprovën më madhore në historinë e NATO-s.
“Është diçka pozitive që sot jemi më të fortë se kurrë. Sepse ky moment në histori ka nevojë për forcën tonë kolektive. Grupet terroriste vazhdojnë të planifikojnë komplote keqdashëse, për të shkaktuar kaos dhe vuajtje. Në Evropë, Presidenti rus Vladimir Putin vazhdon agresionin kundër Ukrainës. Dhe Putini kërkon nënshtrimin e plotë të Ukrainës, synon t’i japë fund demokracisë së Ukrainës, të shkatërrojë kulturën e Ukrainës dhe zhdukjen e Ukrainës nga harta. Dhe ne e dimë se Putini nuk do të ndalet në Ukrainë. Por Ukraina mund dhe do ta ndalojë Putinin.”
Argumentat e tij u përforcuan nga anëtarë të tjerë të administratës së tij Këshilltari për sigurinë kombëtare, Jake Sullivan duke folur me drejtuesit e industrisë së mbrojtjes përmendi shprehjen e Romës së lashtë: “Nëse doni paqe, përgatituni për luftë”.
Vetë shefi i aleancës, Jens Stoltenberg kërkoi intensifikimin e angazhimit të industrisë së mbrojtjes.
“Nënshkruani një premtim të ri që do ta bënte industrinë tonë të mbrojtjes në të gjithë Evropën dhe Amerikën e Veriut më të fortë, më inovative dhe më të aftë.”
Presidenti Biden e vlerësoi rolin e zotit Stoltenberg në aleancë duke e befasuar ish-kryeministrin norvegjez me Medaljen Presidenciale të Lirisë, nderi më i lartë civil i Shteteve të Bashkuara.
Por analistët ngrenë pyetjen nëse kjo shfaqje e forcës presidenciale në takim, po mbetet në hije nga problemet e brendshme politike të zotit Biden, pas debatit ku paraqitja e tij ishte e dobët gjë që ka nxitur thirrjet edhe brenda partisë së tij për t’u tërhequr nga gara.
“Kjo duhet të na kujtojë se sa kritike është udhëheqja amerikane për këtë aleancë. Ajo u themelua nga Shtetet e Bashkuara. Ajo ekziston dhe përparon në sajë të udhëheqjes amerikane. Dhe kur lindin dyshime për udhëheqjen amerikane dhe udhëheqësit amerikanë, pasojat për NATO-n amplifikohen”, thotë për Zërin e Amerikës Giselle Dinnelly e Institutit “American Enterprise”.
Është një kujtesë kritike ndërsa NATO mblidhet nën mikpritjen e Presidentit Biden, se qoftë dobësia, qoftë forca e tij kanë ndikim përtej kufijve të Shteteve të Bashkuara. /VOA
Të tjera
-
Kurti reagon pas duelit të Distrias: Rezultat që konfirmon se Kosova mbetet Shtet i Xhudos
Kryeministri i Kosovës, Albin Kurti ka reaguar pas finales së Distria Krasniq...
-
Distria Krasniqi: Fokusi i madh në gjysmëfinale ndikoi në finale
Xhudistja kosovare Distria Krasniqi ka thënë se fokusimi i saj në gjysmëfinal...
-
Suspendohen dy zyrtarë policorë në Pejë, tentuan ta lirojnë një të arrestuar
Dy zyrtarë policorë në Pejë janë suspenduar me rekomandim të Inspektoratit Po...
-
Ministri Peci shkon te Liqeni i Ujmanit, thotë se askund s’rrezitë dielli si aty
Ministri i Bujqësisë, Faton Peci, të dielën e ka shënuar me vizitë në Liqenin...
-
Kjo është gjendja në pikat kufitare të Kosovës
Qytetarët po përballen me pritje deri në dy orë për të hyrë në Kosovë nëpërmj...
-
Osmani për fitoren e Disit: Me të artën, drejt së artës
Presidentja e vendit, Vjosa Osmani, ka reaguar pas kalimit të xhudistes Distr...
-
Lufta për medaljen e artë, Distria Krasniqi mëson kundërshtaren finaliste
Distria Krasniqi ka arritur që t’ia sigurojë Kosovës një medalje olimpike. K...
-
Distria Krasniqi ia siguron Kosovës një medalje, kualifikohet në finale
Xhudistja e Kosovës, Distria Krasniqi është kualifikuar në finalen e madhe të...
-
Konsultimet për zgjedhje, KQZ: Përgatitjet i nisim pasi të caktohet data
Presidentja e Kosovës, Vjosa Osmani, i ka ftuar per datën 31 korrik kryetarët...
-
Dosja e Prokurorisë ndaj 23 të akuzuarve për mashtrim me “Call Center”: 4 milionë euro dëmi i pretenduar nga të dëmtuarit
Dosja e Prokurorisë për 23 të akuzuarit për mashtrim me “Call-Center”, tregon...
-
Elisa Spiropali do jetë kryetarja e Parlamentit të Shqipërisë
Kryeministri Edi Rama ka propozuar Elisa Spiropalin si drejtuese të Parlament...
-
Osmani pas fitoreve të Distrisë: Sigurt drejt të artës
Presidentja e Kosovës Vjosa Osmani, është shprehur tejet e gëzuar pas kalimit...