Lajme

Napoli, shembet pallati 4-katësh. Tetë të zhdukur

Autori: Gazeta inFokus 13:43 | 07 July 2017

Shembja e një pallati 4-katësh në Torre Annuniziata në Napoli, ka mbjellë panik në të gjithë zonën dhe ka detyruar punonjësit e ndërhyrjes së shpejtë të hyjnë në garë me kohën për gjetjen e 8 personave të zhdukur, dy prej të cilëve, fëmijë.

Rrëzimi ndodhi rreth orës 6.20 të mëngjesit për shkaqe ende të panjohura. Tre familje jetonin aty dhe nga dy prej tyre nuk ka më asnjë lajm. Një grua me dy fëmijët e saj duket se ka arritur të shpëtojë pasi është larguar në kohë.

Fqinjët nuk kanë dëgjuar ndonjë shpërthim, por vetëm zhurmën e strukturës që copëtohej. Pallati ndodhej shumë pranë linjës hekurudhore Napoli- Salerno, e cila është mbyllur për shkak të interteve që kanë rënë mbi shina.

-Advertisement-

Dëshmitarë okularë rrëfejnë se pak përpara shembjes në zonë kishte kaluar një tren. Sipas disa raporteve, në një pjesë të pallatit mund të kenë qënë duke u kryer punime strukturuese. Rreth 30 punonjës të shpëtimit janë duke gërrmuar edhe me duar me shpresën e gjetjes së të mbijetuarve. Torre Annunziata ndodhet rreth 4 km larg zonës arkeologjike të Pompeit.