Sport

Napoli lufton për Scudetto por blen lojtar nga Benevento

Autori: Gazeta inFokus 09:11 | 20 December 2017

Skuadra lidere e Serie A pritet të përforcohet gjatë afatit kalimtar të janarit.

Napoli këtë vit synon ta ndalë hovin e Juventusit në garën për titullin e kampionit në Serie A.

Klubi nga jugu i Italisë ka vetëm një mangësi dhe ajo është numri i kufizuar i lojtarëve cilësorë që ka në bankë trajneri Maurizio Sarri dhe për këtë arsye presidenti Aurelio de Laurentis, dëshiron t’i bëjë atij disa dhurata gjatë janarit.

-Advertisement-

Blerja e parë pritet të jetë Amato Ciciretti, lojtar ky që luan me skuadrën e Beneventos, e cila gjendet në pozitën e fundit në tabelë me vetëm një pikë pas 17 javësh.

Mesfushori me tipare sulmuese, pritet t’i bashkohet Napolit gjatë janarit por shtrohet pyetja se sa do të mund të jetë produktiv një futbollist që ende nuk e ka dëshmuar mirë veten në Serie A, dhe të luajë në një ekip i cili kërkon ta fitojë Scudetton.

Koha do ta tregojë më së miri sesa vlen ky investim, por Napoli nuk do të ndalet me kaq pasi synon që ta kthejë në skuadër edhe sulmuesin Roberto Inglese i cili luan si i huazuar te Chievo.

Subscribe në YouTube: GAZETA INFOKUSI