Lajme

Nagavci: Në qershor nis testimi i mësimdhënësve për pagë më të lartë

Autori: Gazeta inFokus 13:51 | 28 December 2023

Ministrja e Arsimit, Arbërie Nagavci, ka paralajmëruar se në qershor të vitit të ardhshëm do të nisë testimi i mësimdhënësve për pagë më të lartë.

Ajo të enjten, në konferencën për media të fundvitit, ka thënë se po bashkëpunojnë me Shqipërinë për hartimin e udhëzuesit për realizim të këtij procesi.

Nagavci shtoi se prej qershorit të vitit të ardhshëm synojnë të nisin me provimin për licencë të avancuar për mësimdhënës, sipas kritereve të përcaktuara.

-Advertisement-

“Jemi në proces të udhëzuesit që do të bëjë realizimin dhe jemi në bashkëpunim me Shqipërinë, synimi është që nga qershori ta fillojmë testimin e mësimdhënësve për licencë të avancuar”, tha Nagavci, raporton EO.

Ajo ka thënë se beson që mësimdhënësit nuk janë kundër këtij testimi.

“Unë besoj që mësimdhënësit nuk janë kundër kësaj, e do të jenë të suksesshëm në këtë. E unë nuk besoj që është mirë që SBASHK-u të dalë në krahë të mësimdhënësve që mund të kenë probleme”, u shpreh Nagavci.

Subscribe në YouTube: GAZETA INFOKUSI