Ekonomi

MZHE: Nuk emëruam Nuredin Krasniqin ushtrues detyre të telekomit

Autori: Gazeta inFokus 19:05 | 16 March 2018

Ministria e Zhvillimit Ekonomik nuk ka emëruar për U.D. i Kryeshefit Ekzekutiv në ndërmarrjen publike Telekomi i Kosovës Sh.A. Nuredin Krasniqi, ka thënë kjo ministri përmes një komunikate

“MZHE nuk ka emëruar për U.D. i Kryeshefit Ekzekutiv në ndërmarrjen publike Telekomi i Kosovës Sh.A. z.Nuredin Krasniqi.

Dëshirojmë të sqarojmë opinionin publik që lajmi për emërimin e z.Nuredin Krasniqi për U.D. i Kryeshefit Ekzekutiv të Ndërmarrjes Publike Telekomi i Kosovës Sh.A. nga ana e Ministrisë së Zhvillimit Ekonomik është i pavërtetë. Gjithashtu, pretendimet për ‘njoftimin e dërguar nga ana e Njësisë për Monitorimin e Ndërmarrjeve Publike për ndërmarrjen e hapave/veprimeve të nevojshme në raport me gjendjen e krijuar’ nuk është i vërtetë. Ministria e Zhvillimit Ekonomik nuk ka dërguar ose udhëzuar ndërmarrjen e asnjë veprimi. MZhE me kujdes është duke u angazhuar që të gjejë zgjidhje sa më të shpejt për sa i përket Telekomit të Kosovës Sh.A. Në këtë drejtim, brenda muajit Mars, pritet të emërohet Bordi i Drejtorëve i cili sipas dispozitave ligjore në fuqi do të procedoj tutje me zgjedhjen e Kryeshefit Ekzekutiv të ndërmarrjes. MZhE në cilësinë e pronarit të ndërmarrjeve publike, mbete e përkushtuar në zbatimin e ligjit në tërësinë e tij, rrjedhimisht, asnjë vendim i njëanshëm nuk krijon efekt juridik dhe si i tillë nuk njihet”.

-Advertisement-

Subscribe në YouTube: GAZETA INFOKUSI
Etiketa:
Viva Fresh Store triumfon në çmimet Best Buy Award 2024/2025 në Kosovë!
-Advertisement-

Të tjera

Fokusi

ekonomi