Lajme

Mustafa tregon se a ka kontakte me presidenten, thotë se po vepron si me qenë pjesë e VV-së

Autori: Gazeta inFokus 18:02 | 10 November 2021

Ish kryetari i Lidhjes Demokratike të Kosovës, Isa Mustafa ka thënë se nuk mban kontakte me presidenten e vendit, Vjosa Osmani.

Mustafa ka kritikuar presidenten se nuk po sillet si faktor unifikues i vendit.

Në një intervistë për Klan Kosova, ish kryeministri i Kosovës ka thënë se Osmani nuk ka pas të drejtë që t’ia ndërpres mandatin ish kryetares së KQZ-së, Valdete Daka.

“Ajo nuk ka qenë unifikuese as me vendimin për kryetaren e KQZ-së. Nuk ka pas drejtë ta bëj një veprim të tillë. Ajo vepron si me qenë pjesë e VV-së dhe një presidente e tillë nuk i duhet vendit. Duhet ta kapërcej këtë dhe të jetë neutrale”, ka thënë Mustafa, transmeton Indeksonline.

Më tutje, Mustafa është pyetur se a ka kontakte me liderët e partive opozitare për të cilët thotë se ka relacione të mira.

Të tjera