Lajme

Mustafa: Pushteti po e përgatit terrenin për Asociacionin

Autori: Gazeta inFokus 20:13 | 26 January 2023

Deputeti i Lidhjes Demokratike të Kosovës, Besian Mustafa, deklaroi se partia në pushtet ka nisur ta përgatisë terrenin për ta themeluar Asociacionin e komunave me shumicë serbe.

Ai i reagoi zëdhënësit të Qeverisë, Përparim Kryeziut, që foli për Asociacionin dhe marrëveshjen me Serbinë.

“Rrymën që ua ka paguar Kurti serbëve në veri qe 2 vite, tha, e konsiderojmë borxh’. Jo i nderuar, ai ka qenë borxh dhe ju ua keni shlyer borxhin me paratë e tatimpaguesve. Për këtë, në të kaluarën, e keni kallë Kosovën”tha deputeti i LDK-së.

Postimi i plotë:

Pushteti ka filluar të përgatisë terrenin për Asociacionin.

Sot e paskan qitë në KTV zëdhënësin e Qeverisë për t’ua lyer qytetarëve kryet me kos:

– Plani i Ahtisaarit, tha, ka qenë i mirë, për këtë plan ai ka marrë çmimin Nobel. Jo z. Zëdhënës, për atë plan ju e keni kallë Kosovën dhe i keni quajt tradhtarë ata shqiptar që e kanë pranuar.

– Rrymën që ua ka paguar Kurti serbëve në veri qe 2 vite, tha, e konsiderojmë borxh. Jo i nderuar, ai ka QENË borxh dhe ju ua keni SHLYER borxhin me paratë e tatimpaguesve. Për këtë, në të kaluarën, e keni kallë Kosovën.

– Përkujtimi i pesë vjetorit të vrasjes së Ivanoviqit, tha, ka qenë një moment i mirë!!! Ivanoviqi ka qenë i dënuar për udhëheqjen e vrasjes së 33 shqiptarëve në veri. Ju e shpallët hero të Kosovës!

– Martini, tha, është i pafajshëm se gazetarit slloven, tha, ju ka mbyllë twitteri.

Përtej ZBRITJEVE në Viva Fresh Store!

Të tjera

Fokusi

lajme