Lajme

Mustafa: Abdixhiku ka shumçka t’i jap Kosovës/FOTO

Autori: Gazeta inFokus 13:40 | 18 May 2017

Kryetari i Lidhjes Demokratike të Kosovës, Isa Mustafa, edhe përmes facebook-ut i ka uruar mirëseardhje anëtarit më të ri të LDK-së Lumir Abdixhikut .

Mustafa ka thënë se Lumiri ka shumëçka t’i jap shtetit pas fitores plebishitare në zgjedhjet e 11 qershorit, transmeton infokusi.com

Postimin e plotë të Mustafës bërë në rrjetin social “facebook” mund ta gjeni më poshtë:

-Advertisement-

“Lumir Abdixhiku nga sot është pjesë e LDK-së.

I njohur për ekspertizën, por edhe qasjen kritike ndaj proceseve, Lumiri ka shumëçka t’i jap shtetit tonë pas fitores plebishitare në zgjedhjet e 11 qershorit.

Invazioni i ekspertëve dhe njerëzve të vullnetit të mirë në të gjitha nivelet e LDK-së konfirmon besimin e qytetarëve se vetëm LDK-ja dhe partnerët e saj mund ta ndalin të keqen që i kërcënohet vendit tonë.

Koalicioni i shpresës LDK, AKR, Alternativa … janë gati ta marrin këtë përgjegjësi historike!”/INFOKUSI