Lajme

Musliu thotë se në AKI u punësuan militantë të VV-së

Autori: Gazeta inFokus 21:48 | 17 July 2024

Kryetarja e Komisionit për Mbikëqyrjen e Agjencisë Kosovare të Inteligjencës (AKI), Ganimete Musliu, ka ngritur shqetësime lidhur me procesin e punësimit në AKI, teksa ka përmendur kërkesën e saj për anulimin e konkursit të fundit shkak i shkeljeve të evidentuara.

Në Debat Plus, Musliu ka theksuar se mbi 1,600 persona kanë konkurruar në këtë konkurs, ku vetëm 50 janë pranuar, përfshirë vetëm 8 gra.

“Sa i përket çështjes së punësimeve në AKI, përveç që e kam ftuar drejtorin në Komision, ne kemi bërë vizitë në AKI ku unë kam kërkuar në detaje që të informohemi si komision për procedurat se si ka rrjedh konkursi dhe si ka shkuar konkursi. Në atë konkurs kanë konkurruar mbi 1,600 persona, prej tyre 800 kanë hyrë në intervistë me gojë. Prej 800 personave janë pranuar 50 persona, prej tyre janë pranuar vetëm 8 gra. Unë i kam ngritur shqetësimet e mia dhe të gjeturat që kanë dalur nga komplet rrjedha e tij konkurs dhe i kam dërguar letër me shkrim drejtorit të AKI-së ku i kam kërkuar që ai konkurs të anulohet sepse kam evidentuar shkelje të faktuara. Të cilat janë, që në atë konkurs ka pasur thjesht kritere të eliminimit, në momentin kur ata janë pranuar nuk kanë pasur kë ta përjashtojnë,” ka deklaruar Musliu.

-Advertisement-

Musliu ka bërë të ditur se në këtë proces kanë qenë të përfshirë militantë të partive politike.

“Mënyra se si ka rrjedh procesi i punësimit ajo është e padiskutueshme që ka edhe militantë të partisë, unë nuk mund të flas me emra. Një nga kriteret ka qenë njohja e gjuhëve të huaja, ndërsa testin për gjuhë të huaja e kanë bërë vetëm në gjuhën angleze. Dhe në fund e kanë futur si gjuhë të huaj edhe gjuhën serbe, kjo është një nga elementet e praktikës eliminuese të kriterit,” ka shtuar Musliu.

Subscribe në YouTube: GAZETA INFOKUSI
Hapet shkolla e mesme profesionale në Qytetin e Ferizajit
-Advertisement-

Të tjera

Fokusi

lajme