Lajme

Musliu për rastin e Kajtazit: Autorët e kësaj vepre të rrezikshme t’i sjellim para drejtësisë

Autori: Gazeta inFokus 23:08 | 31 October 2024

Deputetja e PDK-së, Ganimete Musliu ka reaguar kundër vendosjes së pajisjes së GPS-it në veturën e gazetarit Vehbi Kajtazi.

Musliu ka thënë se ky rast ngre shqetësime serioze në lidhje me privatësinë dhe sigurinë personale të individit.

Sipas saj, në këto momente, “pa drejtuar gishtin nga askush deri në zbardhjen e plotë të këtij rasti, shpresoj që organet kompetente janë duke e trajtuar rastin me urgjencë”.

-Advertisement-

Postimi i plotë:

Lajmi se gazetarit Vehbi Kajtazi i është vendosur një GPS në makinë, ngre shqetësime serioze në lidhje me privatësinë dhe sigurinë personale të individit, në këtë rast të gazetarit Vehbi Kajtazi.

Liria e mediave është një shtyllë e fortë demokracisë dhe çdo sulm ndaj saj është sulm ndaj lirisë dhe vlerave bazike të një shoqerie të qytetruar dhe të moderuar.

Tentativa për përndjekje dhe intimidim të gazetarëve është shqetësuese dhe e patlerushme.

Dhe në këto momente, pa drejtuar gishtin nga askush deri në zbardhjen e plotë të

këtij rasti, shpresoj që organet kompetente janë duke e trajtuar rastin me urgjencë .

Rasti duhet të zbardhet sa më shpejtë në mënyrë që mos të lihet hapësirë për spekulime dhe për dyshime.

Po ashtu i bëjë thirrje prokurorisë së shtetit që të merr masat e nevojshme për t’ju ofruar siguri gazetarëve dhe për të hetuar cdo rast ku ata ndiehen të cënuar në punën dhe liritë e tyre.

Në fund shpresoj që së shpejti autorët e kësaj vepre të shëmtuar dhe të rrezikshme ti sjellin para drejtëisë.

Subscribe në YouTube: GAZETA INFOKUSI
Etiketa:
Nëse doktor Mitrev do të përdorte hemofiltrimin me qëllim që të mashtruar pacientët, do t’i kishte mashtruar të gjithë 1738…
-Advertisement-

Të tjera

Fokusi

lajme