Musliu: Aleksandar Vuçiq, mjeshtër i lojës në dy karrige mes Perëndimit dhe Rusisë
Autori: Gazeta inFokus 07:43 | 24 September 2024
Eksperti i sigurisë, Agim Musliu, në një intervistë për emisionin “Përballje” me kryeredaktorin Muhamet Hajrullahu në Telegrafi.com, ka ofruar një analizë të detajuar mbi situatën gjeopolitike në rajon dhe më gjerë.
Sipas tij, presidenti serb Aleksandar Vuçiq është “mjeshtër i lojës në dy karrige,” duke mbajtur marrëdhënie të mira si me Perëndimin ashtu edhe me Rusinë dhe Boshtin e së Keqes (Rusia, Irani, Kina, Koreja e Veriut).
Megjithatë, Musliu theksoi se Perëndimi është i vetëdijshëm për këtë lojë të dyfishtë dhe vazhdon ta joshë Serbinë me qëllim që ta tërheqë nga ndikimi rus.
Musliu vuri në dukje se NATO ka interes që Serbia të anëtarësohet në aleancë, gjë që do të përkufizonte ndikimin rus në Evropë.
Sipas tij, Vuçiqi përfiton nga të dyja palët, por një luftë hibride e zhvilluar nga Rusia përmes Serbisë mbetet një kërcënim serioz, veçanërisht në Mal të Zi ku ndikimi i Kishës Ortodokse Serbe dhe asaj Ruse është i dukshëm.
Lidhur me Kosovën, Musliu paralajmëroi për rrezikun e dezinformatave dhe lajmeve të rreme gjatë periudhave të ndjeshme, veçanërisht me zgjedhjet e ardhshme.
Ai vuri theksin në nevojën për ngritjen e kapaciteteve mbrojtëse kundër propagandës dhe luftës hibride ruse.
“Lufta hibride ruse ia ka filluar që moti ka me dekada dhe shpeshherë nuk kushton asgjë. Domethënë, përdorin idiotët e dobishëm për t’i përhapur lajmet të rreme e që pastaj edhe bëhen çështje. Por, Kosova gjer më tash ka ngritur disa kapacitete, por që nuk është e mjaftueshme. Duhet të ngrisim kapacitetet për mbrojtje nga propaganda, nga lufta hibride dhe të gjitha trajtat e saj, të ngrisim kapacitetet qeveritare, por edhe civile nga OJQ-të e ndryshme që populli i Kosovës të vetëdijesohet dhe të mos bie pre e këtyre propagandave dhe luftës speciale që e bën Rusia nëpërmjet Serbisë”, shtoi ai.
Musliu u shpreh kundër kthimit të ish-policëve serbë që braktisën institucionet e Kosovës, duke theksuar se disa prej tyre kanë marrë pjesë në veprime terroriste dhe nuk duhet të rikthehen në pozita zyrtare.
“E dini, në fillim që në sulmin në Banjskë paraprakisht të gjithë policët serb e lanë vendin e punës, domethënë e lanë uniformën dhe tashmë Serbia kërkon që ata të kthehen, po natyrisht janë procedurat e shtetit, edhe aspektet ligjore, edhe konkurset edhe Këshilli Gjyqësor i Kosovës edhe Këshilli Prokurorial i Kosovës, po ashtu edhe lista sepse ka dalë nga jeta politike, i braktisi institucionet e tjera e tjera. Dhe kjo është një gjë e pamundur, që ata të kthehen në institucionin e policisë prapë. Nuk ka ngjarë askund në botë do të ishte precedent. Një numër i caktuam i tyre ka marrë pjesë në sulmin terrorist në Kosovë”.
Sipas tij, çdo rekrutim i ri duhet të bëhet në mënyrë të rregullt dhe sipas procedurave ligjore të Kosovës.
Të tjera
-
Kurti viziton kompanitë vendore, pjesëmarrëse në panairin “Sial” në Paris
Mes 7500 ekspozuesve prej 125 shteteve nga mbarë bota, Kryeministri i Republi...
-
Kthimi i emigrantëve që qëndruan tri ditë në Shqipëri, mediat italiane: Janë të frikësuar dhe të tronditur
12 emigrantët nga Afrika, të cilët larguan sot nga Gjadri pas vendimit të Gjy...
-
Ndihmëssekretari i NATO-s: S’mendoj se jemi në situatë për të folur për anëtarësimin e Kosovës në NATO
Boris Ruge, Ndihmës Sekretari i Përgjithshëm të NATO-s, ka thënë se mendon që...
-
“Mati 1” e “Bregu i Diellit” pa ujë shkaku i problemeve teknike
Kompania Rajonale e Ujësjellësit “Prishtina”, ka bërë të ditur se Lagjja ...
-
Osmani takohet me përfaqësues të Google dhe Amazon: Synim është përfshirja e plotë e Kosovës në platformat më të mëdha globale
Presidentja Vjosa Osmani ka bërë të ditur se është takuar sot me ...
-
KFOR-i vazhdon stërvitjet për të ruajtur gatishmërinë e lartë operacionale
Grupi i Përbashkët Shumëkombësh për Mbështetjen e Logjistikës (JLSG) dhe ...
-
LDK: Nga janari 2025 bizneseve u dyfishohet tatimi në pronë, pengesë për zhvillimin ekonomik
Lidhja Demokratike e Kosovës, përmes një reagimi ka shprehur shqetësimin e sa...
-
Uji me mangan, Tahiri: Qeveria s’po merret me rastin sepse nuk përfitojnë miliona nga ai
Deputeti i Partisë Demokratike të Kosovës, Abelard Tahiri ka thënë se qyt...
-
Kthehen në Itali 12 emigrantët që u vendosën për pak ditë në Gjadër të Shqipërisë
Një anije e marinës italiane ktheu të shtunën në Itali 12 emigrantët e parë n...
-
Misioni i SHBA-së në OSBE: Normalizimi Kosovë-Serbi duhet të përfundojë me njohje, liderët të promovojnë shoqëri gjithëpërfshirëse
Katherine Brucker, e ngarkuara me punë e Misionit të Shteteve të Bashkuara në...
-
Krasniqi pret në parti deputetin gjerman, Hacker: Vlerat liberal-demokratike kundërpeshë ndaj populizmit
Kreu i PDK-së, Memli Krasniqi ka njoftuar se gjatë ditës së sotme është t...
-
Haradinaj takohet me diasporën shqiptare në Çikago: Secili prej tyre dëshmon fuqinë e jashtëzakonshme të kombit
Kreu i AAK-së, Ramush Haradinaj u takua në Çikago me diasporën shqiptare. ...