Lajme

Murati i reagon Abdixhikut për Termokosin, përmend partnerët e koalicionit qeverisës në Prishtinë

Autori: Gazeta inFokus 17:49 | 06 November 2023

Ministri i Financave, Hekuran Murati tha se “financimi për zgjerim të rrjetit” të kapacitetit të ngrohjes qëndrore në kryeqytet ekziston, duke i reaguar kështu kryetarit të LDK-së, Lumir Abdixhiku.

Murati publikoi në Facebook një postim të tij para një viti dhe postimin e sotëm të Abdixhikut, ku ai njofton për zgjerimin e rrjetit të ngrohjes në Prishtinë.

“Qeveria tash e një vit ka siguruar financimin në vlerë prej 80 milionë euro për Termokosin. Projekti parasheh rritjen e kapacitetit të ngrohjes qëndrore përmes energjisë së ripërtërishme, si dhe zgjerimin e rrjetit në shumë lagje të Prishtinës. Me fjalë tjera, financimi për zgjerim të rrjetit ekziston. Por projekti po mbahet i bllokuar sepse nuk po ratifikohet marrëveshja ndërkombëtare si rezultat i bllokadës nga opozita në Kuvend, e për ratifikim duhen 80 vota. Pra, nëse është dikush që po bllokon projektet madhore, janë pikërisht partnerët e koalicionit qeverisës në Prishtinë”, shkroi ministri.

-Advertisement-

Subscribe në YouTube: GAZETA INFOKUSI
BKT Kosova vlerësohet për herë të katërt "Banka e Vitit 2024 në Kosovë" nga The Banker
-Advertisement-

Të tjera

Fokusi

lajme