Sport

Munishi: Do të luftojmë deri në fund!

Autori: Gazeta inFokus 16:24 | 10 March 2018

Feronikeli ka triumfuar në derbin e fqinjëve përballë Drenicës për tu ngritur në pjesën e epërme të renditjes tabelare dhe për të rikthyer shpresën se mund të arrijë titullin kampion.

Për këtë gjë tekniku i kësaj skuadre Ismet Munishi nuk është shumë i sigurtë, por që thekson se luftën do ta bëjnë deri në fund, shkruan Gazetasheshi.com.

“Kemi patur raste të konsiderueshme të cilat i shpërdoruam. Por, e rëndësishme ishte fitorja pasi përballë kishim një kundërshtarë mjaft të fortë. E dominuam këtë ndeshje sikurse kemi dominuar të gjitha ndeshjet deri më tani, por fati nuk ka qenë në anën tonë. Kjo fitore është e mirëseardhur edhe për faktin se na ndihmon shumë të lirohemi nga faktori psikologjik”, deklaroi Munishi për Super Sport Kosova.

-Advertisement-

“Akoma nuk jemi dorëzuar edhe pse titulli do të jetë i vështirë. Liga është e nivelizuar dhe me dy tri fitore rradhazi mund të jesh në pjesën e sipërme. Luftën do ta bëjmë deri në fund për ta bërë kampionatin edhe më interesant”, përfundoi Munishi.

Subscribe në YouTube: GAZETA INFOKUSI