Lajme

Mund të shtyhet gjykimi i Fisnik Ismailit

Autori: Gazeta inFokus 15:37 | 02 February 2018

Seanca ndaj deputetit Fisnik Ismaili për lotsjellësin në Kuvend, e caktuar më 12 shkurt mund të shtyhet.

Mundësinë e shtyrjes së seancës e konfirmoi për KALLXO.com Betim Shala, avokati i Ismailit.

Shala tregoi se ka kërkuar shtyrjen e kësaj seance, me arsyetimin se më 12 shkurt do të jetë në një seancë tjetër të përcaktuar më herët.

-Advertisement-

Gjykata nuk ka njoftuar ende nëse do ta shtyjë seancën ndaj Fisnik Ismailit.

Ismaili po akuzohet mbajtje në pronësi, kontroll apo posedim i paautorizuar të armëve.

Sipas Prokurorisë, Fisnik Ismailit më 30 nëntor të vitit 2015, rreth orës 10:45, pas kontrollit nga Policia e Kosovës në hollin e Kuvendit të Kosovës i janë gjetur dy bombola me gaz lotsjellës, të fshehura në këpucët e tij.

Aktakuza thotë se tendenca e Ismailit kishte qenë t’i fuste bombolat me gaz lotsjellës në sallën plenare të Kuvendit të Republikës së Kosovës.

Subscribe në YouTube: GAZETA INFOKUSI
Etiketa:
Black Friday ne Artmotion
-Advertisement-

Të tjera

Fokusi

lajme