Albert Prenkaj, ka qenë drejtor i Përgjithshëm në Ministrinë e Punëve të Jashtme. Ai thotë se në këtë ministri ka shërbyer që nga themelimi i saj, ndërsa sipas tij, kjo pozitë nuk ekziston me rregulloren e re edhe pse ajo parashihet me ligj.

Prenkaj thotë se me rregulloren e re kompetencat e drejtorit i kanë kaluar Sekretarit të Përgjithshëm, të cilën pozitë e mbanë një zyrtar i ish-Ministrisë së Diasporës. Kjo sipas tij nuk korrespondon më ligjin për Shërbim të Jashtëm, duke shtuar se kur ka shpërputhshmëri në mes rregullores dhe ligjit, atëherë duhet të mbisundojë ligji dhe kjo çfarë po ndodhë në ministri është e jashtëligjshme.

“Po e përmenda këtë rregulloren për sistematizim e fillimvitit e cila është në kolezion, pra në shpërputhshmëri me Ligjin për Shërbimin e Jashtëm dhe ligjet tjera që rregullojnë funksionimin e Ministrisë së Punëve të Jashtme, e kanë shu përmes kësaj rregulloreje. Por me ligj ekziston”, ka thënë Prenkaj, i cili tash mbanë pozitën e drejtorit të departamentit për Amerikë.

Sipas tij, pozita e drejtorit të Përgjithshëm është pozitë kyçe menaxheriale dhe konsideron se është thyerje e rendit ligjor dhe e cila ndikon efektivisht në punën e shërbimit të jashtëm në përgjithësi, koordinimin me kabinet, në koordinimin me ambasadat e ndryshme në gjithë globin dhe me ambasadat e huaja në vend.

“Kurse pozicioni i të gjitha përgjegjësitë e drejtorit të përgjithshëm sipas kësaj rregulloreje të paligjshme janë bartur sekretarit të përgjithshëm, pozicion i cili kryesisht ka rol logjistik, financiar, teknik etj, dhe tash e ka edhe barrën e drejtorit të përgjithshëm, barrë të cilën e bartë një kolegë i cili nuk i ka këto prerogativa të cilat i përmendëm më herët, pra e ka koeficientin e ulët dhe nuk ka gradë diplomatike dhe mbi të gjitha nuk e ka përvojën dhe memorien institucionale të cilët e kanë kolegët profesionistë të Ministrisë së Punëve të Jashtme”, ka vazhduar Prenkaj.

Sipas tij, kalimi i gjithë kompetencave një zyrtari që vjen nga Ministria e Diasporës ka qenë emërim politik nga menaxhmenti.

“Ka qenë emërim i thjeshtë politik dhe kaq. Prej nivelit më të lartë udhëheqës të Ministrisë së Punëve të Jashtme”, ka thënë ai.

“Betimi për Drejtësi” ka kërkuar vazhdimisht përgjigje nga ministrja Donika Gërvalla-Schwarz dhe MPJD, për këto probleme por asnjëherë nuk janë përgjigjur.

Ndërsa, ish ministrja e MPJD Meliza Haradinaj-Stublla, ka thënë se nuk askund në botë ministri të Jashtme që nuk kanë drejtor të përgjithshëm.

“Ma gjeni një ministri të Jashtme në ter globin që funksionin pa drejtori politike. Është drejtori politik ai që ju jep udhëzime ambasadorëve, ju lexon raportet javore që i dërgojnë ambasadorët apo edhe raporte me të shpeshta është ai që e mbanë komunikimin lidhjen, urën në mes të diplomatëve dhe menaxhmentit politik të Ministrisë, është shprehur ajo./BetimipërDrejtësi

Përsëri në shkollë me Viva Fresh Store!  

Sponsoruar