Sport

Mourinhos i vije keq për Empolin: Nuk luajtëm për të fituar 7-0

Autori: Gazeta inFokus 08:03 | 18 September 2023

Roma ka marrë fitoren e parë në këtë edicion të Serie A, pasi ka mposhtur Empolin me rezultat 7-0.

Ka qenë fitorja e parë e Giallorosëve këtë edicion dhe atë duke shënuar plot shtatë gola ndaj Empolit të fundit në tabelë.

Megjithatë trajneri i Romës, Jose Mourinho ka thënë se nuk luajtën në atë mënyrë për të fituar 7-0, teksa ka deklaruar ndër të tjera se i vije keq për Empolin.

“Duhet të mendoj ndryshe. Ne luajtëm mirë, por jo për të fituar 7-0. Është diçka që ndodh, nuk është se luan për të fituar me një rezultat si ky”.

“Kemi luajtur një ndeshje të mirë, jo me uniformitet, por me shume ulje-ngritje. Në nivel fizik mund të shohësh që ka lojtarë që nuk kanë kushtet për të luajtur një ndeshje 90 minutëshe”.

“Rezultati 7-0 ndodh. Më vjen keq për Empolin, por ky është futboll dhe ndonjëherë ndodh”, u shpreh Mourinho.

Tutje ‘Special One’ ka deklaruar se nuk i intereson goli i parë i Lukakut, pasi primarë për të është skuadra.“Nuk ishte e rëndësishme për mua, ndoshta ishte për të. Më intereson skuadra, nëse ai shënon apo jo nuk ndryshon asgjë për mua”.

“Më intereson që ai t’i japë një profil tjetër skuadrës, duhet të mësojmë, për të luajtur më mirë me të dhe ai me ne”.

“Ne kemi nevojë për t’u përmirësuar dhe sot nga pankina pashë gjëra që nuk më pëlqyen. Unë po flas për ekipin, jo për Romelu”, deklaroi Mourinho.



Anëtarësohu në grupin e Infokus në Viber: GAZETA INFOKUS – VIBER – ANTARËSOHU

Dhe në grupin e Infokus në Facebook: GAZETA INFOKUS – FACEBOOK – ANTARËSOHU

UNI-Universum International College ofron standarde amerikane të studimit në partneritet me Arizona State University

Të tjera

Fokusi

sport